एक हजार ८ सय २४ भूकम्प पीडितलाई दोश्रो किस्ता

असार ३२, २०७५ सोमबार १८:४८:५३ | उज्यालो सहकर्मी

खोटाङ – खोटाङका १ हजार ८२४ भूकम्प पीडितले आवास निर्माण वापतको दोश्रो किस्ता बुझेका छन् । २०७४ साल जेठ १९ गतेदेखि पहिलो किस्ता बापतको ५० हजार बुझेर आवास निर्माण सुरु गरेका लाभग्राहीमध्ये १ हजार ८२४ लाभग्राहीले दोश्रो किस्ता बुझेका हुन् ।

पहिलो किस्ता बुझेका खोटाङका ८ हजार १७३ लाभग्राहीमध्ये उनीहरुले दोश्रो किस्ता वापत १ लाख ५० हजारका दरले अनुदान बुझेको राष्ट्रिय पुनर्निर्माण कार्यान्वयन इकाई जिल्ला आयोजना कार्यान्वयन इकाई आवास व्यवस्थापन तथा पूर्वाधारको कार्यालयका प्रमुख सागर आचार्यले बताउनुभयो ।

गएको वैशाख ३० गते यता हालसम्म दिक्तेल रुपाकोट मझुवागढी नगरपालिकाका ३३५, हलेसी तुवाचुङ नगरपालिकाका ४०३, ऐसेलुखर्क गाउँपालिकाका ४६, रावाबेँसी गाउँपालिकाका १२५, जन्तेढुंगा गाउँपालिकाका १५३, खोटेहाङ गाउँपालिकाका १९२, केपीलासगढी गाउँपालिकाका ९१, दिप्रुङ चुइचुम्मा गाउँपालिकाका २११, बराहपोखरी गाउँपालिकाका १७६ र साकेला गाउँपालिकाका ९२ लागभग्राहीले दोश्रो किस्ता बुझेका छन् ।

२०७२ साल जेठ १२ गतेको महाभूकम्प र पराकम्पनका कारण घरविहीन बनेपछि पहिलो किस्ता लिएर डीपीसीको काम पूरा गरेका भूकम्प पीडितलाई दोश्रो किस्ताका वितरण तीव्र पारिएको राष्ट्रिय पुनर्निर्माण कार्यान्वयन इकाई जिल्ला आयोजना कार्यान्वयन इकाई आवास व्यवस्थापन तथा पूर्वाधारको कार्यालयले जनाएको छ ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्