तस्बिरमा हेर्नुहाेस् जापानी सम्राट नारुहिताेकाे गद्दी आराेहण

कात्तिक ५, २०७६ मंगलबार १५:७:२४ | एजेन्सी

जापानका सम्राट नारुहितोले भव्य समारोहका बीच राजगद्दी आरोहण गर्नु भएकाे छ। बुवा अकिहितोले उमेरका कारण राजगद्दी परित्याग गरेपछि नारुहितो गएको मे महिनामा जापानको सम्राट बन्नु भएकाे थियाे ।

टोक्योमा रहेको इम्पेरियल प्यालेसमा झण्डै १८० देशका २ हजार विशिष्ट पाहुनाका अगाडि विभिन्न परम्परा र संस्कृतिअनुसार ५९ वर्षीय सम्राट नारुहितोले मंगलबार दिउँसो राजगद्दी आरोहण गर्नु भएको हो ।

विशेष अवसरमा सम्राटहरूले लगाउने परम्परागत वस्त्र धारण गरेर नारुहितो साढे ६ मिटर अग्लो ‘ताकामिकुरा’ राजगद्दीमा बस्नु भएको थियो । उहाँले त्यहाँबाटै एउटा लिखित मन्तव्य वाचन पनि गर्नुभयो । उहाँले भन्नुभयो, ‘राष्ट्र र नागरिकको एकताको प्रतीकका रूपमा आफ्नो उत्तरदायित्व वहन गर्न म संविधानअनुसार काम गर्ने सपथ लिन्छु ।’

सम्राट नारुहितोको गद्दी आरोहणमा नेपालबाट राष्ट्रपति विद्यादेवी भण्डारी पनि सरिक हुनु भएको थियो ।

त्यस्तै बेलायतका राजकुमार चार्ल्स, भारतीय राष्ट्रिय रामनाथ कोविन्दलगायतका विशिष्ट अतिथिहरुको सहभागिता रहेको थियो ।

विदेशबाट आएका विशिष्ट पाहुनाहरुका लागि जापानी सम्राटले चियापान तथा प्रधानमन्त्री शिन्जो आबेले सबै अतिथिहरुका लागि रात्रिभोजको आयोजना गर्नु हुने भएको छ ।

जापानमा संवैधानिक राजतन्त्र रहेको र सम्राटको भूमिका आलंकारिक भएको हुँदा आम नागरिकले राजसंस्थालाई सम्मानपूर्वक लिने गर्दछन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्