लण्डनमा एउटै ट्रकभित्र ३९ जनाको शव भेटियो

कात्तिक ६, २०७६ बुधबार २०:३८:० | एजेन्सी

लण्डनको पूर्वी शहर इसेक्समा एउटै ट्रकभित्र ३९ जनाको शव भेटिएको छ ।

ग्रेजको वाटरग्लेड औद्योगिक पार्क नजिक एउटा ट्रकमा ३९ जनाको शव भेटिएपछि प्रहरीले हत्याको आशंकामा ड्राइभरलाई गिरफ्तार गरेको छ । पक्राउ परेका उत्तरी आयरल्याण्डका ड्राइभरको उमेर २५ वर्ष रहेको प्रहरीले जनाएको छ ।

एसेक्स प्रहरीका अनुसार बुल्गेरियाको ट्रक गएको अक्टोबर १९ मा लण्डन, वेल्सको होलीहेडको लागि हिँडेको थियो । त्यो ट्रक २२ अक्टोबरमा ग्रेज पुगेको थियो ।
अधिकारीहरुका अनुसार ३८ ओटा शव वयस्क व्यक्तिको र एउटा शव २० वर्षभन्दा कम उमेरको व्यक्तिको रहेको छ ।

ट्रकमा कति जना थिए र कोही व्यक्ति जीवत छन् कि छैनन् भन्ने बारेमा बताइएको छैन ।

बुल्गेरियाको समाचार वेबसाइट नेवनिकले विदेश मन्त्रालयलाई उद्धृत गर्दै लेखेको छ, ‘बुल्गेरियाको दूतावास स्थानीय अधिकारीहरुसँगको सम्पर्कमा छ र स्थितिलाई मध्यनगर गरिरहेको छ ।’

प्रहरी अधिकारी एन्ड्रयू मेरिनरले ज्यान गुमाउनेको शव पहिचान गर्न प्रहरी जुटेको र यसमा समय लाग्ने बताएका छन् ।

बेलायती प्रधानमन्त्री बोरिस जोनसनले घटनालाई लिएर दुःख व्यक्त गर्दै ट्वीट गरेका छन्, ‘म गृह मन्त्रालय र एसेक्स प्रहरीसँग लगातार सम्पर्कमा छु र हामी हत्यारा पत्ता लगाउने कोशिसमा छौँ ।’

— Boris Johnson (@BorisJohnson) October 23, 2019

त्यस्तै बेलायती गृहमन्त्री र एसेक्स राज्यकी सांसद प्रीति पटेलले पनि घटना निकै दुःखद् रहेको र प्रहरीलाई जाँच अघि बढाउने पूरा मौका मिल्नुपर्ने बताएकी छिन् ।

— Priti Patel MP (@patel4witham) October 23, 2019

केही वर्षअघि जुन २००० मा डोभरमा एउटा ट्रकभित्र ५८ जना चिनियाँ प्रवासीको शव भेटिएको थियो । यो विषयमा ट्रक ड्राइभरलाई उनीहरुको हत्याको आशंकामा सजाय सुनाइएको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्