दियोबाट सल्किएको आगोले सोलुखुम्बुमा ६ लाख रुपैयाँ बराबरको क्षति

कात्तिक ११, २०७६ सोमबार १०:५९:४५ | सुवास दर्नाल

सोलुखुम्बु - लक्ष्मीपूजाको लागि बालिएको दियोबाट सल्किएको आगोका कारण सोलुखुम्बुको नेचासल्यान गाउँपालिका-२, सल्यानमा ६ लाख रुपैयाँ बराबरको क्षति भएको छ ।

आइतबार साँझ लक्ष्मीपूजा गर्दा बालिएको दियोबाट नेचासल्यान गाउँपालिका-२ का वडा सदस्य रुपा नेवारकाे घरमा आगालागी हुँदा क्षति भएको जिल्ला प्रहरी कार्यलय सोलुखुम्बुका प्रहरी नायब उपरीक्षक डीएसपी नारायण प्रसाद चिमरीयाले जानकारी दिनभयो ।

आगलागीबाट लक्ष्मीपूजाका क्रममा राखिएको नगद एक लाख ५० हजार, ५ तोला सुन, १० तोला चाँदी, ५ माना सिक्का पैसासहित कोठाभित्र रहेको सम्पूर्ण सामग्रीहरु जलेर नष्ट भएको प्रहरीले जनाएको छ ।

प्रहरीका अनुसार आगाेले नेवारको ढुँगा माटोले बनेको ३ तले घरको पूजाकाेठा जलेर नष्ट भएको छ । साझँ पौने आठ बजे सुरु भएको आगलागी राति साढे ९ बजे स्थानीय र प्रहरीको सकृयतामा लियन्त्रणमा आएको थियो । तत्काल थाहा भएर आगो नियन्त्रणमा लिन सफल भएकाले ठूलो क्षति हुनबाट जोगिएको स्थानीयले बताएका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्