बम विस्फाेटका घाइतेलाई आलमले इँटाभट्टामा हालेकाे दाबीसहितकाे प्रतिवेदन सरकारी वकिलकाे कार्यालयमा

कात्तिक १५, २०७६ शुक्रबार १९:५५:३४ | उज्यालो सहकर्मी

रौतहट - नेपाली कांग्रेसका केन्द्रीय सदस्य तथा निलम्बित सांसद मोहम्मद अफ्ताब आलमलाई प्रहरीले तीन वटा अभियोगसहितको अनुसन्धान प्रतिवेदन सरकारी वकिलको कार्यालयलाई बुझाएको छ ।

आलमलाई २० दिन हिरासतमा राखी अनुसन्धान गरेपछि सरकारी वकिलको कार्यालयमा अनुसन्धान बुझाएको जिल्ला प्रहरी कार्यालय रौतहटका प्रवक्ता डीएसपी नवीन कार्कीले उज्यालोलाई बताउनुभयो । उहाँका अनुसार आलमविरुद्ध बम विस्फोट, ज्यान मार्ने उद्योग र कर्तव्य ज्यान मुद्दाको अभियोग लगाइएको छ ।

प्रहरीको अनुसन्धान प्रतिवेदनमा आलमले आफ्ना भाइसहित मिलेर बम विस्फोटमा घाइते भएका व्यक्तिलाई इँटाभट्टामा हालेर हत्या गरेको दाबी गरिएको छ । प्रहरीले तत्कालीन समयमा निर्माण भएको मुचुल्का र घटनास्थलबाट बरामद भएको स्वीटरलगायतका वस्तु तथा बयान दिने पीडित र उनीहरूका परिवारको भनाइसमेत अनुसन्धान प्रतिवेदनमा समेटेको छ ।

२०६४ साल चैत २७ गते रौतहटको राजपुरमा भएको बम विस्फोटमा मुख्य योजनाकार रहेको आरोप आलममाथि लागेको छ ।

प्रहरीबाट अनुसन्धान प्रतिवेदन प्राप्त भएकाले त्यसमा आइतबार सरकारी वकिलको कार्यालयले अभियोगपत्र तयार गर्नेछ । यस्तै प्रहरीले घटनामा संलग्न १० जनालाई जन्मकैद र एक जनालाई मतियारको अभियोगमा कारबाहीको माग गरेको छ ।

सम्बन्धित समाचार

इँटा भट्टामा जिउँदै मानिस जलाएको घटनाकाे सबै प्रमाण मसँग छ: प्रत्यक्षदर्शी मियाँ

हत्याको आरोपमा पक्राउ परेका सांसद आलम निलम्बित, यस्ताे छ आराेप

बम काण्डमा आलम दोषी रहेको प्रहरीको निष्कर्ष, अनुसन्धान प्रतिवेदन सरकारी वकिलको कार्यालयमा बुझाउँदै

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्