विराटनगरमा सरकारी मोटरसाइकलकाे दुरुपयोग: चार जना चढेर सपिङ मल

मंसिर ६, २०७६ शुक्रबार १८:५५:३८ | सुमन तिमल्सिना

मोरङ – विराटनगरको व्यस्त बजार गोल्छा चोकबाट एउटा मोटरसाइकल अघि जाँदै थियो । त्यो मोटरसाइकलमा चालकसहित चार जना यात्रु थिए ।

अघि गुड्दै गरेको मोटरसाइकलको नम्बर प्लेट हेर्दा थाहा भयो, को १ ब १५७७ नम्बरको सरकारी मोटरसाइकल रहेछ । सरकारी सवारी साधन, त्यो पनि कार्यालय समय बाहिर यसरी चार जना बोकेर हिँड्नु कति जायज होला भन्ने लाग्यो र फोटो खिचियो ।

मैले ती मोटरसाइकल चालकसँग सम्पर्क गर्ने प्रयास गरेँ तर उनी केही पनि नबोली सेन्ट्रल मलको पार्किङ स्थलमा मोटरसाइकल पार्किङ गर्नतर्फ लागे ।

मोटरसाइकलमा बस्ने अन्य व्यक्ति स–साना भए पनि चलाउने चालक को हुन् र कुन कार्यालयमा काम गर्छन् भनेर जान्ने इच्छा थियो तर उनको मुख ढाकिएकाले चिन्ने मौका भने मिलेन । उनीसँगै भित्र प्रवेश गर्न खोज्दा भित्रबाट अर्को सवारी बाहिरिँदै गरेकोले उनीसँगै भित्र प्रवेश गर्न पाइएन । सेन्ट्रल मलको अगाडिको भागमा सडक कालोपत्रे भएकोले पश्चिमको ढाेकामात्र खोलिएको थियो ।

पछिल्लो समय यसैगरी सरकारी सवारी साधनहरु दुरुपयोग हुँदै आएका छन् । कतिपय अवस्थामा सरकारी सवारी साधनले तस्करीको काम गरिरहेको समेत फेला परेको छ ।

केही दिनअघि मात्र विराटनगर भन्सार कार्यालयले सरकारी गाडीले भारतबाट सामान ओसारपसार गरेको तथा तस्करी गरेको पाइएपछि नियन्त्रणमा लिएको थियो । कतिपय वडाध्यक्षहरुले सरकारी नम्बर प्लेटको गाडीलाई रातो नम्बर प्लेटको बनाएर समेत चलाउने गरेको पाइएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्