फेसबुक र गूगल मानव अधिकारका लागि 'खतरा' !

मंसिर ७, २०७६ शनिबार १२:३८:४० | एजेन्सी

मानवअधिकारको क्षेत्रमा काम गर्ने अन्तर्राष्ट्रिय संगठन एम्नेस्टी इन्टरनेशनलले गूगल र फेसबुकको व्यापारिक शैली मानव अधिकारको लागि खतरा भएको बताएको छ ।

एम्नेस्टीले एक प्रतिवेदन जारी गर्दै गूगल र फेसबुकले गर्ने ‘व्यापक निगरानी’ लाई लिएर चिन्ता व्यक्त गरेको छ । यी प्राविधिक कम्पनीले मानव अधिकारमाथि नोक्सान पुर्याउने अवस्था सिर्जना गरेको मानव अधिकार संगठनले दाबी गरेको छ ।

फेसबुकले भने यो प्रतिवेदनप्रति असहमति जनाएको छ । यद्यपि फेसबुकले भने मानवअधिकारलाई झन् सशक्त बनाएको दाबी गरेको छ । गूगलले पनि आफूलाई प्रयोगकर्ताको भरोसाको सम्मान र उनीहरुको डाटाको सुरक्षाको जिम्मेवारीको महसुस भएको जनाएको छ ।

प्रतिवेदनमा भनिएको छ– गूगल विश्वमा ९० प्रतिशतभन्दा धेरै मानिसले प्रयोग गर्ने सर्च इञ्जिन हो र विश्वको एक तिहाई जनसंख्याले फेसबुक प्रयोग गर्छन् ।

अरबौँ जनसंख्या फेसबुक र गूगलले निर्धारण गरेको शर्तमा हिँडिरहेको भन्दै एम्नेस्टीले यो मानव अधिकारको दृष्टिले व्यवहारिक नभएको जनाएको छ ।

एम्नेस्टीका महासचिव कूम नायडूले भने, ‘अरबौँ मानिसहरुसँग फेसबुक र गूगलद्वारा निर्धारित शर्तको अलावा अरु कुनै व्यवहारिक विकल्प छैन, यो मानवअधिकारको लागि खतरा हो ।’

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्