ट्रायल फेल भएकालाई पास गराएकाे मुद्दामा यातायातका तत्कालीन प्रमुखसहित ३८ जनाविरुद मुद्दा दायर

मंसिर ८, २०७६ आइतबार १९:४४:५१ | उज्यालो सहकर्मी

काठमाण्डाै - अख्तियार दुरुपयोग अनुसन्धान आयोगले यातायात व्यवस्था कार्यालय एकान्तकुनाका तत्कालीन कार्यालय प्रमुख उपसचिव आनन्द केशरी पोखरेलसहित ३८ जनाविरुद्ध मुद्दा दायर गरेको छ ।

आयोगले २०६९ वैशाख, जेष्ठ र असार महिनाभित्र प्रयोगात्मक परीक्षामा फेल भएका १२ सय ८४ जनालाई पास गराएको आरोप लागाएको छ । १२ सय ८४ जनाको परीक्षाको परिणाम फेरबदल गरी बदनियतपुर्ण तरिकाले सवारी चालक अनुमतिपत्र लाइसेन्स निकालेको अख्तियारले निकालेको प्रेस विज्ञप्तिमा भनिएको छ ।

यस्तै, यी लाइसेन्सको लिनुपर्ने राजश्व रकमसमेत नलिई राजस्व चुहावट गरी सरकारी सम्पत्ति हिनामिना गरी हानी नोक्सानी गरेको पुष्टि भएको भन्दै आयोगको विशेष अदालतमा मुदा दायर गरेको हो ।

तत्कालिन कार्यालय प्रमुख उपसचिव आनन्द केशरी पोखरेललाई आठ लाख उनान्साठी हजार पाँच सय पचास बिगो रकमसहित दोब्बर जरिवाना मागदाबी गरेको छ । यस्तै, इन्जिनियर बासुदेव पोखरेल विरुद्ध ३ लाख ४६ हाजार, प्रहरी निरीक्षक मुरारी मिश्र विरुद्ध २४ हजार, तत्कालीन प्रहरी निरीक्षक नवराज थापा विरुद्ध चौबीस हजार नौ सय बिगो रकम दाबी गरेको छ।

त्यस्तै, तत्कालीन शाखा अधिकृत धर्मराज ढुङ्गाना, तत्कालीन शाखा अधिकृत बाबुलाल रेग्मी, शाखा अधिकृत शम्भुप्रसाद थपलिया, ईश्वरराज रेग्मी लगाएत ३८ जनाले भ्रष्टाचार गरेका अख्तियारको ठहर छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्