गुडिरहेको बस बीच बाटाेमा भासिएपछि सडकमै रोपियो रुख

साउन २, २०७५ बुधबार १७:३३:४२ | गोविन्द शर्मा

बाँके – नेपालगञ्जमा चारलेन सडक निर्माण सम्पन्न भएको लामो समय बिते पनि निर्माण कम्पनीको लापरबाहीका कारण बारम्बार दुर्घटनाहरु हुने गरेका छन् ।

बुधबार गुडिरहेको यात्रुबाहक बस विपीचोक नजिकै सडकमै भास्सिएको छ । बीच सडकमा यात्रुबाहक बस भास्सिएपछि बीच सडकमै विरुवा रोपिएको छ ।
खाल्डाखुल्डी भएका कारण बिहान सडकमा टायर राखेर गाडी नल्याउन संकेत गरिएको थियो । दिउँसो टायर हटाइएपछि बस दुर्घटना भएको हो ।

वडा प्रहरी कार्यालय नेपालगञ्जका प्रहरी निरीक्षक नारायण डांगीका अनुसार सडकमा फसेको बस नेपालगञ्ज उप–महानगरपालिकाको ट्याक्टरले निकालेको हो । बस भित्रका यात्रुहरु सामान्य घाइते भएको प्रहरीले जनाएको छ ।

भारतीय सीमाको जमुनाहदेखि कोहलपुरसम्मको २२.२२५ किलोमिटर सडक मध्ये नेपालगञ्जको सडक बारम्बार बिग्रने गरेको छ । नेपालगन्ज–कोहलपुर सडकखण्ड दुई भागमा निर्माण गरिएको हो । जमुनाहदेखि राझासम्मको १०.५ किलोमिटर सडकको ठेक्का एएमआर पप्पु कन्स्ट्रक्सन जेभीले २९ मार्च २०१३ मा २ जुन २०१५ मा निर्माण सक्ने गरी ४५ करोड ८ लाख ७९ हजार २०० रुपैयाँमा ठेक्का पाएको हो ।

पटक–पटक म्याद थप गर्दै लागत बढाइए पनि सडकमा ठाउँ–ठाउँमा खाल्डाखुल्डी हुँदा चारलेन सडकमा आवागमनमा समस्या हुने गरेको छ । नेपालगन्ज–राझाखण्ड निर्माणमा ढिलाई भयो पनि राझा कोहलपुर सडकखण्ड भने ठेकेदार कम्पनीले सम्झौता अवधिभन्दा पहिले नै काम सम्पन्न गरेको हो । कालिका कन्स्ट्रक्सनले ४६ करोड ४१ लाख ४० हजार रुपयाँमा २९ मार्च २०१३ मा २६ अप्रिल २०१५ मा निर्माण सक्ने गरी सम्झौता गरेको हो ।

२६ अप्रिल २०१३ मा काम सुरु गरेको कालिकाले तोकिएको समयभन्दा अगावै १६ सेप्टेम्बर २०१४ मा काम सम्पन्न गरेको सडक डिभिजन कार्यालय नेपालगञ्जका डिई बमले जानकारी दिनुभयो । ११.२२४ किलोमिटर सडक निर्माण गरेको कालिकाको अन्तिम लागत ५६ करोड ५६ लाख २९ हजार रुपैयाँ पुगेको थियो ।

सडक डिभिजन कार्यालय नेपालगञ्जका प्रमुख अर्जूनकुमार बमले पप्पु कन्स्ट्रक्सनले निर्माण गरेको सडक हस्तान्तरण भईनसकेको बताउनुभयो । रकम भुक्तानीका लागि पप्पु्ले अदालतमा मुद्दा समेत दायर गरेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

1 Comments

म नेपाली
July 18, 2018, 6:49 p.m.
नेपालगञ्जमा चारलेन सडक निर्माण सम्पन्न भएको लामो समय बिते पनि निर्माण कम्पनीको लापरबाहीका कारण बारम्बार दुर्घटनाहरु हुने गरेका कुरामा म सहमत छु। तर बनेको सडकमा खाने पानीको पाईप फुट्दा खनिएका खाल्डा मर्मत नहुदा अझ बढी खतरा बढेको छ । बुधबारको घटना पनी यसैको उदाहरण हो । पाईप फुटे पछि सडक उप्कीदा खाल्डो परेको थियो । सो पाईप मर्मतका लागी डोजर लगाएर खाल्डो खनी पाईप मर्मत गरिएको थियो । ठुलो खाल्डो लाई देखाउन कै लागी साधारण तरिकाले माटोले मात्र पुरिदा यो दुर्घटना भएको हो । समाचार सन्तुलित लेख्नु पर्यो ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गुडिरहेको बस बीच बाटाेमा भासिएपछि सडकमै रोपियो रुख

1 Comments

म नेपाली

तपाईको प्रतिक्रिया

तपाईको प्रतिक्रिया