शिकार र पोथीको खोजीमा १३०० किलोमिटरको यात्रा

मंसिर १८, २०७६ बुधबार ९:१०:४१ | एजेन्सी

भारतमा एउटा बाघले पाँच महिनाको अवधिमा १३०० किलोमिटर यात्रा गरेको छ । भारतमा रेकर्ड भएकामध्ये बाघको यो यात्रा अहिलेसम्मको सबैभन्दा लामो रहेको बताइएको छ ।

साढे दुई वर्षको यो बाघ आफ्नो लागि अनुकुल क्षेत्र, पोथीको खोजी वा शिकारका लागि भौँतारिएको हुन सक्ने विज्ञहरूको अनुमान छ ।

पूर्ण रूपमा वयस्कसमेत भइनसकेको यो बाघ भारतको महाराष्ट्रमा रहेको एउटा वन्यजन्तु आरक्षबाट गएको जुन महिनामा हिँडेको थियो । बाघको घाँटीमा जडान गरिएको रेडिओ कलर उपकरण (हिँडडुल अनुगमन गर्ने उपकरण) ले उपलब्ध गराएको विवरणका आधारमा उसको गतिविधि पत्ता लागेको हो ।

महाराष्ट्रको तिपेश्वर वन्यजन्तु आरक्षमा रहेको यो बाघको नाम ‘सी–वन’ दिइएको छ । यही आरक्षमा ‘टी–वन’ नामक बघिनीले जन्माएको तीन डम्मरुमध्ये यो एक हो ।

गएको फेब्रुअरी महिनामा ‘सी–वन’को शरीरमा रेडियो कलर जडान गरिएको थियो । जुन महिनामा उसले यो आरक्ष छोडेको थियो । त्यसपछि यो बाघले महाराष्ट्रको सात ओटा जिल्ला र तेलंगनाको यात्रा गरेको थियो ।

गएको साता यो बाघ महाराष्ट्रको अर्को वन्यजन्तु आरक्षमा देखिएको थियो ।

–बीबीसी हिन्दीबाट

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्