कुकुरको दाना बेचेर नेपालले भित्र्यायाे ४ महिनामा ३४ करोड रुपैयाँ

मंसिर २४, २०७६ मंगलबार १२:३७:३५ | उज्यालो सहकर्मी

काठमाण्डौ - चालु आर्थिक वर्षको पहिलो ४ महिनामा कुकुर र बिरालोका खाना निर्यात गरेर ३४ करोड रुपैयाँ भित्रिएको छ ।

भन्सार विभागको तथ्यांकअनुसार ११ देशका लागि ४ महिनामा कुकुर र बिरालोका लागि २ लाख किलो खाना तथा दाना निर्यात भएको छ । यसबाट ३३ करोड ६६ लाख रुपैयाँ आम्दानी भएको छ । भन्सार विभागको तथ्यांकअनुसार सबैभन्दा धेरै अमेरिकामा १ लाख ७४ हजार किलो दाना निर्यात भएको छ, जसबाट २८ करोड ७० करोड रुपैयाँ भित्रिएको छ ।

यस्तै क्यानडामा १३ हजार किलो दाना पठाउँदा २ करोड २१ लाख रुपैयाँ भित्रिएको छ । दुबई, बेलायत, हङकङ, जापान, नेदरल्याण्ड्स, सिंगापुर, सियरा लियोन, थाइल्याण्ड, ताइवानलगायतका देशमा कुकुर बिरालाका लागि दाना निर्यात भएको छ । कुकुरका लागि नेपालबाट छुर्पीलगायतका खाद्यबस्तु निर्यात हुने गरेकाे छ ।

चालु आर्थिक वर्षको पहिलो चौमासिकमा नेपालको वैदेशिक व्यापारमा केही सुधार आएको छ । चालु आर्थिक वर्षको पहिलो चौमासिक (साउन–कात्तिक) अवधिमा नेपालले निर्यात व्यापार वृद्धि गरेको छ ।

गएको वर्षको यही अवधिको तुलनामा यो वर्ष २३.९० प्रतिशतले निर्यात वृद्धि भएको छ । यो आर्थिक वर्षको पहिलो चार महिनामा ३६ अर्ब २७ करोड ९० लाख रुपैयाँ बराबरको सामान निर्यात भएको छ । गएको वर्ष यही अवधिमा २९ अर्ब २८ करोड १७ लाख रुपैयाँ बराबरको सामान निर्यात भएको थियो ।

चालु आर्थिक वर्षको पहिलो चार महिनामा ४ खर्ब ५० अर्ब २९ करोड रुपैयाँ बराबरको विभिन्न सामान आयात भएको छ । गएको वर्ष यही अवधिमा ४ खर्ब ८३ अर्ब ७५ करोड रुपैयाँ बराबरको सामान आयात भएको थियो ।

यो पनि पढ्नुहाेस्

चौमासिकको वैदेशिक व्यापार : आयात घटेको घट्यै, निर्यात बढेको बढ्यै

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्