जडीबुटी संकलन गर्न जाने क्रममा बेपत्ता भएका १२ जनाकाे हेलिकाेप्टरबाट उद्धार गरिने

मंसिर ३०, २०७६ सोमबार १०:२६:५३ | नेत्र शाही

जुम्ला – जडीबुटी संकलन गर्न जाँदा बेपत्ता भएका जुम्ला तिला गाउँपालिका ९ को ढिपुगाउँका १२ जनाको हेलिकोप्टरबाट उद्धार गरिने भएको छ ।

बेपत्ता भएकाहरुको उद्धार गर्न सुर्खेतमा हेलिकोप्टरको व्यवस्था गरिएको जिल्ला प्रशासन कार्यालय जुम्लाका निमित्त प्रमुख जिल्ला अधिकारी देवेन्द्र श्रेष्ठले जानकारी दिनुभयो ।

उहाँका अनुसार स्थान पत्ता नलागेमा तिला गाउँपालिका ९ का वडाध्यक्ष शेरबहादुर रोकायालाई उद्धार टोलीसँगै सदरमुकामबाट पठाउने तयारी भएको छ । हेलिकोप्टर उडानका लागि प्रदेश सरकारको आन्तरिक मामिला तथा कानुन मन्त्रालयले सबै प्रक्रिया पूरा गरेको छ ।

प्रदेश सरकारका कानुन मन्त्री नरेश भण्डारीका अनुसार सुर्खेतमा भिजिबिलिटी कम भएकाले तत्काल हेलिकोप्टर उडन गर्न सकिएको छैन तर उडानको लागि हेलिकोप्टर तयारी अवस्थामा छ ।

शेरा फूलबारी पाटनमा जडीबुटी संकलन गर्न गएका एकै गाउँका १२ जना गएको चार दिनदेखि सम्पर्कमा आउन नसकेको तिला गाउँपालिका ९ का वडाध्यक्ष बोहोराले जानकारी दिनुभयो । उहाँका अनुसार सेतक चिनी, भुल्ते लगायतका जडीबुटी सङ्कलन गने भनेर उनीहरु पाटनतर्फ लागेका थिए ।

बेपत्ता हुनेमा ढिपु गाउँका धनबहादुर बोहोरा, नरवीर बोहोरा, तुल बोहोरा, ननिलाल रावत, सूर्य रावत, छविराज बोहोरा, जङ्ग रावत, सुमबहादुर बोहोरा, मनमाया बोहोरा, रेश्मा बोहोरा, लाउरी बोहोरा र कल्पना बोहोरा रहेका रहेका छन् ।

सम्बन्धित समाचार

जडीबुटी संकलन गर्न गएका एकै गाउँका १२ जना बेपत्ता

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्