विराटनगरको गुरुकुलमा ‘छिंडीभरिको आकाश’ नाटक हेर्नेको भिड

पुष ८, २०७६ मंगलबार १९:९:३९ | सुमन तिमल्सिना

माेरङ - विराटनगरमा रहेकाे आरोहण गुरुकुलको सुशीला कोइराला नाटकघरमा मञ्चन भइरहेको ‘छिंडीभरिको आकाश’ नाटकमा हरेक दिन हाउसफूल हुने गरेको छ ।

विद्यार्थी दर्शकको चापका कारण आयोजकले भुइँमा गुन्द्री ओछ्याएर हेराउनुपर्ने बाध्यता सिर्जना भएको आयोजकको दावी छ । हरेक शो मा २ सय ६० जनाभन्दा बढी दर्शकले नाटक हेरिरहेका छन् । गुरुकुलमा नाटकघरको सिट क्षमता २ सय २५ हो ।

वरिष्ठ साहित्यकार परशु प्रधानको कथामा आधारित छिँडीभरिको आकाश मंसिर २८ गतेदेखि मञ्चन भइरहेको छ । विद्यालय र क्याम्पसहरूले अग्रिम शो बुकिङ गरेर विद्यार्थीलाई नाटक देखाउन ल्याउने गरेको आयोजक विराट आदर्श साहित्यिक मञ्चका अध्यक्ष कट्वाल दीपकले जानकारी दिनुभयाे ।

दुर्व्यसनले मानिसलाई कुन अवस्थासम्म पुर्‍याउँछ भन्ने सन्देशमूलक नाटकको नाट्य रुपान्तरण र निर्देशनको काम पनि कट्वालले गरेका छन् । ग्रामीण र शहरिया जीवनलाई सशक्त रुपमा उठान गरिएको नाटक मानिसलाई सही मार्गमा लाग्न प्रेरित गर्ने खालको भएकाले पनि दर्शकको चाप बढेको पत्रकारसमेत रहेका आयोजक संस्थाका प्रमुख सल्लाहकार मीनकुमार नवोदितको भनाइ छ ।

गत मंसिर २८ गते विराटनगर महानगरपालिकाका मेयर भीम पराजुलीले नाटक मञ्चनको उद्घाटन गरेका थिए । नाटक हेर्नका लागि विराटनगर मात्र नभइ रंगेली, इटहरी, टंकीसिनवारी लगायतका विद्यालय र कलेजले समेत अग्रिम बुकिङ गरेर विद्यार्थीलाई नाटक देखाउन ल्याउने गरेको नवोदितले जानकारी दिनुभयाे ।

हालसम्म ५० वटाभन्दा बढी विद्यालय र कलेजका विद्यार्थीले नाटक हेरिसकेका छन् ।

नाटक पुस १४ गतेसम्म मञ्चन हुने आयोजकले जनाएको छ । नाटकमा अभिनय गर्ने सबै कलाकार विद्यार्थी हुन् । विराटनगर महानगरपालिका प्रवद्र्धकका रूपमा रहेको छ भने मुख्य प्रायोजकमा काब्रा ग्रुपको बुलेट चाउचाउ, प्रायोजकमा नमस्कार होटल म्यानेजमेन्ट स्कुल र सहप्रायोजकमा सोम्स कलेज रहेको छ ।

समाजसेवी विश्वकान्त दाहालले सहयोगीको भूमिका निर्वाह गरेका छन् भने मोरङ हिसान र प्याब्सन विराटनगरसँग सहकार्य रहेको छ । नाटकमा सन्देश बाराकोटी, अनुसार कटवाल, रमेश तिमल्सिना, अनिल खत्री, एन्जल बस्नेत, उमेश पौडेल, माजिद अन्सारी, पार्वती कटवाल, अनुसा भण्डारीले अभिनय रहेको छ ।

व्यवस्थापनमा प्रभा पन्त र विवेक आचार्य छन् । मञ्चले यो नाटक यसअघि पनि आरोहण गुरुकुलमा दुई पटक मञ्चन गरिसकेको छ । मञ्चले यसअघि महाकवि लक्ष्मीप्रसाद देवकोटाको कृतिमा आधारित ‘मुनामदन’ नाटकसमेत मञ्चन गरिसकेको छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्