एक सय बीस मेगावाटकाे रसुवा भोटेकोशी जलविद्युत् आयोजना निर्माण सुरु

पुष १७, २०७६ बिहीबार २०:३०:२७ | उज्यालो सहकर्मी

रसुवा – एक सय बीस मेगावट क्षमताको रसुवा भोटेकोशी जलविद्युत् आयोजना निर्माण सुरु भएको छ ।

तीन वर्षमा निर्माण सम्पन्न गर्नेगरी काम सुरु गरिएको आयोजनाले जनाएको छ । आयोजनाले अहिले सुरुङ निर्माणको काम सुरु गरेको छ । यो आयोजनाको लागत २० अर्ब ३८ करोड ९८ लाख ९४ हजार रुपैयाँ रहेको छ ।

आयोजनामा ९० प्रतिशत वैदेशिक र १० प्रतिशत नेपाली पक्षको लगानी रहेको छ । भोटेकोशी नदीमा बाँध बाँधेर ल्याइएको पानीलाई ४ हजार ८ सय ३५ मिटर लम्बाइको सुरुङमार्फत चिलिमे खोला र भोटेकोशीको संगमस्थलमा पावर हाउस निर्माण गरिनेछ ।

आयोजनाको सम्पूर्ण भौतिक संरचना भूमिगत हुनेछ । आयाेजनाका लागि २०७० पुस १८ गते वैदेशिक सहायता स्वीकृत भएको थियो । यो आयोजना लाङटाङ भोटेकोशी हाइड्रोपावर जलविद्युत् कम्पनी प्रालीले निर्माण गर्न लागेको हो ।

आयोजनाका अनुसार उत्पादन भएको विद्युत् १३२ केभी डबल सर्किट प्रसारण लाइनमार्फत चिलिमे हबमा जोडिनेछ भने यसको दूरी पाँच किलोमिटर रहनेछ । यो आयोजना चीनको सिचुवान हुवानी इनर्जी इनभेस्टमेन्ट कम्पनी लिमिटेडको लगानीमा निर्माण हुन लागेको हो ।

आयोजनाको काम तोकिएको समयसीमाभित्र सम्पन्न हुने कम्पनीका प्रमुख दीपक खड्काले दावी गर्नुभयो ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्