बझाङ जिल्लामा भत्किए ६३ छाउगोठ : जनचेतना फैलाउन प्रशासनको अनुरोध

माघ २, २०७६ बिहीबार २१:१:२६ | डीबी बिष्ट

बझाङ – जिल्ला प्रशासन कार्यालय बझाङले छाउपडी प्रथा अन्त्य गर्ने अभियान अन्तर्गत ६३ छाउगोठ भत्काएको छ ।

जिल्ला प्रहरी कार्यालयका प्रमुख प्रहरी नायब उपरीक्षक गणेश बमले जिल्लाका ११ वटा पालिकामा गरेर ६३ वटा छाउगोठ भत्काइएको जानकारी दिनुभयाे ।

उहाँले सबै पालिकाहरुलाई छाउपडी प्रथा अन्त्यका लागि जनचेतनामूलक कार्यक्रम आयोजना गर्न आग्रह गर्नुभएको छ । जनचेतनामूलक कार्यक्रमहरु सञ्चालन गर्नसके झनै प्रभावकारी हुने प्रमुख जिल्ला अधिकारी उमेश पाण्डेले बताउनु भयो ।

अन्धविश्वास र जनचेतनाको कमीका कारण छाउपडी प्रथा मान्ने परम्परा रहिआएको बताउँदै उहाँले यसको अन्त्यका लागि जनचेतना आवश्यक रहेको बताउनुभयो ।

छाउगोठ भत्काउने अभियानमा बढीजस्तो युवा र किशोरीहरुको सक्रियता रहेको छ । अहिलेसम्म सबैभन्दा बढी जयपृथ्वी नगरपालिकामा ४० वटा छाउगोठ भत्काइको उहाँको भनाइ छ । यस्तै खप्तड छान्ना गाउँपालिकामा १५, थलारा गाउँपालिकामा ५, मष्टामा २ र दुर्गाथली गाउँपालिकामा १ वटा छाउगोठ भत्काइसकिएकाे छ ।

जिल्लामा छाउपडी प्रथा नमान्ने र छाउपडी प्रथापूर्ण रुपमा मान्ने पुराना मानिसहरु रहेकाे बताउँदै पाण्डेले ६० वर्ष उमेरभन्दा माथिको समूहका मानिसहरुको शेषपछिमात्रै छाउपडी प्रथा पूर्णरुपमा हट्ने बताउनुभयो ।

यसै विषयमा प्रमुख जिल्ला अधिकारी पाण्डेले छाउपडीगोठमा बस्नेहरुलाई नियम अनुसार तिन महिना कैद र तीन हजार जरिबाना गर्ने र प्रथा मान्नेहरुलाई सरकारले दिने कुनै पनि सेवा सुविधाहरु नदिने बताउनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्