चीनमा फैलिइरहेको भाइरस कति खतरनाक ?

माघ ६, २०७६ सोमबार १४:३५:३३ | एजेन्सी

काठमाण्डौ – चीनमा दुई दिनभित्रमा एक सय ३९ रहस्यमय भाइरसको घटनाहरु रिपोर्ट गरिएको अधिकारीहरुले जनाएका छन् ।

कोरोनाभाइरसको यो नयाँ घटना चीनको वुहान शहर, बेइजिङ र शेनजेन शहरमा पाइएको छ । दुई दिनभित्रमा झण्डै डेढ सय जना सङ्क्रमित भएका हुन् ।

योसँगै चीनमा यो भाइरसबाट प्रभावित हुनेको सङ्ख्या दुई सयभन्दा बढी पुगिसकेको छ । अहिलेसम्म श्वासप्रश्वासमा देखिएको समस्याका कारण तीन जनाको ज्यान गइसकेको पुष्टि भएको छ ।

बेलायती विशेषज्ञहरुले चिनियाँ अधिकारीहरुले भनेको भन्दा धेरै जना यो रहस्यमय भाइरसबाट प्रभावित भएको दाबी गरेका छन् ।

विश्व स्वास्थ्य सङ्गठनका अनुसार ठूलोस्तरमा यो भाइरसको जाँच भइरहेकोले यसको प्रकोप बढिरहेको देखिएको छ ।

यो नयाँ कोरोनाभाइरस गएको डिसेम्बर महिनामा पत्ता लागेको थियो । तर अहिले यो भाइरस चीनको सीमा पार गर्दै अर्काे देशसम्म पुगिसकेको छ । थाइल्याण्डमा यो भाइरसको दुई तथा जापानमा एउटा घटना रिपोर्ट गरिएको छ ।

यो भाइरस कति गम्भीर छ ?

कोरोनाभाइरसका कारण सामान्यतया सङ्क्रमित व्यक्तिहरुमा रुघा, खोकीको लक्षण देखिन्छ र यसको असर गम्भीर हुँदै जाँदा ज्यान पनि जान सक्छ ।

एडिनबर्ग विश्वविद्यालयका प्राध्यापक मार्क वुलहाउस भन्छन्, ‘यो नयाँ भाइरस देखिने बित्तिकै हामीले यसको असरका बारेमा थाहा पाउने प्रयास गर्‍याैँ । याे सामान्य रुघा, खोकीको जस्तो लक्षण देखाउने भाइरस होइन, जुन चिन्ताको कुरा हो ।’

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्