नयाँ चिनियाँ भाइरस : मानिस–मानिसबीच सर्न सक्ने, चाैथाे व्यक्तिकाे ज्यान गयाे

माघ ७, २०७६ मंगलबार १०:३९:३५ | एजेन्सी

काठमाण्डौ – चीनमा फैलिइरहेको रहस्यमय कोरोना भाइरस मानिसबाट मानिसमा फैलन सक्ने अधिकारीहरुले जनाएका छन् ।

कोरोना भाइरस फैलिइरहेको अवस्थामा चीनमा अर्काे एक जनाको ज्यान गएको छ । योसँगै यो भाइरसका कारण ज्यान गुमाउनेको सङ्ख्या चार पुगेको छ ।

८९ वर्षीय एक व्यक्तिको कोरोना भाइरसबाट ज्यान गएको हो । यी व्यक्तिमा निमोनियाको लक्षण देखिएको अधिकारीहरुले बताएका छन् । यी व्यक्ति कोरोना भाइरसको प्रकोप रहेको ठाउँ वुहान शहरमा रहँदै आएका थिए ।

मुख्यतया बेइजिङ र शङ्घाईसहित चीनका प्रमुख शहरहरुमा दुई सय जनाभन्दा बढी मानिसमा यसको सङ्क्रमण देखिएको छ ।

चीनको राष्ट्रिय स्वास्थ्य आयोगले चीनको गुवाङ्गदोङ्ग प्रान्तमा सङ्क्रमणको दुई वटा घटना मानिस–मानिसबीच प्रसारणको कारण भएको पुष्टि गरेको थियो ।

वुहान म्युनिसिपल हेल्थ कमिसनले वुहानमा कम्तीमा १५ जना चिकित्सा कर्मचारीलाई यो भाइरसले सङ्क्रमित गरेको छ, जसमध्ये एक जनाको अवस्था गम्भीर छ ।

यो भाइरसबाट सङ्क्रमित भएकाहरुको उपचारको क्रममा सबैलाई छुट्टाछुट्टै राखिएको छ ।

यो भाइरस अहिलेसम्म चार एसियाली देशमा देखिएको छ । श्वासप्रश्वाससम्बन्धी समस्याको कारण बन्ने यो भाइरस जापान र थाइल्याण्डपछि दक्षिण कोरिया पनि पुगिसकेको छ ।

गएको सोमबार दक्षिण कोरियामा यो भाइरसको पहिलो घटना सार्वजनिक भएको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्