धनुषामा मतदानस्थलभित्र सुरक्षाकर्मीले ढुक्कसँग माेबाइलमा गफ गरे, मतदातालाई पनि दिए

माघ ९, २०७६ बिहीबार १४:२०:१ | सुभाष कर्ण

धनुषा - प्रदेश २ मा जारी राष्ट्रिय सभा सदस्यको मतदानस्थलमा मोबाइल फोन निषेध गरिए पनि सुरक्षामा खटिएका प्रहरीले भित्र मोबाइल लगेको पाइएको छ ।

चुनावको सुरक्षालाई ध्यानमा राख्दै प्रहरीले मतदानस्थलमा मोबाइल फोन प्रवेशमा निषेध गरेको थियो ।

मतदातालाई मोबाइल फोन चेक गर्नका लागि मतदानस्थलको मुख्यद्वारमै अत्याधुनिक मेसिनसहित दर्जनाैँको संख्यामा प्रहरी खटाइए पनि प्रहरी आफैँले भने मोबाइल भित्र लगेकाे पाइएकाे हाे ।

जनकपुरधाममा रहेकाे महेन्द्रनारायण निधि सांस्कृतिक प्रतिष्ठानमा रहेकाे मतदान केन्द्रमा खुलेआम रुपमा प्रहरी निरीक्षक विजय यादव मोबाइलमा कुराकानी गरिरहेका देखिनुहुन्थ्याे ।

उहाँले केहीबेर कसैसँग मोबाइलमा कुराकानी गरेर फेरि त्यो मोबाइल नजिकै रहेकी एक महिला मतदातालाई समेत कुराकानी गर्न दिनुभएको थियो । निर्वाचन अधिकृत र मतदान अधिकृतबाहेक मतदातालाई मात्रै नभइ सुरक्षामा खटिएका प्रहरी र सञ्चारकर्मीलाई पनि मोबाइल लैजान प्रवेश निषेध गरिएको थियो ।

मतदान गोप्य हुने भएकाले गोपनीयताको लागि यस्तो गरिएको निर्वाचन आयोगले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्