दुई महिनापछि प्रदेश-२ मा सरकार वा मन्त्री परिवर्तन : मन्त्री यादव

माघ १७, २०७६ शुक्रबार १९:११:३ | सुभाष कर्ण

धनुषा - प्रदेश-२ मा सरकार परिवर्तन वा मन्त्री फेरबदलको सम्भावना बढेको छ ।

प्रदेश-२ मा सरकार परिवर्तन हुने चर्चा जोडतोडका साथ भइरहेको बेलो आन्तरिक मामिला तथा कानुनमन्त्री ज्ञानेन्द्र यादवले दुई महिनापछि सरकार परिवर्तन वा फेरबदल हुने सम्भावना रहेको बताउनु भएको छ ।

उज्यालोसँग कुरा गर्दै मन्त्री यादवले सत्ता साझेदार दल राष्ट्रिय जनता पार्टी नेपाल र समाजवादी पार्टीका नेतृत्वकर्ताहरुको छलफल अनुसार सरकार परिवर्तनको सम्भावना कम रहे पनि मन्त्री फेरबदलको सम्भावना बढिरहेको बताउनु भएकाे हाे ।

उहाँले भन्नुभयाे, जनताले अपेक्षा गरे अनुसारका प्रदेश सरकारका मन्त्रीहरुले काम गर्न नसकिरहेको गुनासो आइरहेका कारण दुवै पार्टीका शीर्षस्थ नेताहरु यस्तो निष्कर्षमा पुगेका हुन् । तर दुई महिनापछि सरकारको वार्षिकी मनाएपछि परिवर्तन नभए पनि मन्त्री फेरबदल हुने सम्भावना प्रबल रहेको छ ।

मुख्यमन्त्री लालबाबु राउतले भन्नुभयो आम मधेशी जनताको म्यान्डेट पाँच वर्षसम्म यो सरकार चलोस भन्ने रहेको छ, तर कार्यसम्पादन मूल्यांकनको आधारमा मन्त्री फेरबदलको सम्भावना रहेको छ ।

मन्त्री फेरबदलको निर्णय केही महिनाअघि राजपाको जनकपुरधाममा बसेको बैठकबाट भएकाे भए पनि किन परिवर्तन नभएकाे भन्ने कुरा राजपा नेपालकै नेताहरुलाई थाहा होला भन्दै अनभिज्ञता प्रकट गर्नुभयाे ।।

प्रदेश २ सरकार राजपा नेपाल र समाजवादी पार्टीको गठबन्धनको सरकार हो । मुख्यमन्त्री सहित चारवटा मन्त्रालय समाजवादीले पाएको छ भने तीनवटा मन्त्रालय राजपाले पाएको छ । राजपा नेपालका राज्यमन्त्री र प्रदेश सभा सदस्यहरुले मन्त्री फेरबदल गर्न पटक पटक आवाज उठाउँदै आएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्