कर्मचारी एकैसाथ बिहेमा : शुक्रबार प्रदेश-१ काे संसद सचिवालय खाली

माघ १७, २०७६ शुक्रबार २१:४:५३ | सुमन तिमल्सिना

माेरङ - प्रदेश-१ को संसद सचिवालयका उपसचिव अर्जुन निरौलाकी छोरीको बिहेमा एकैपटक कर्मचारीहरु जाँदा शुक्रबार संसद सचिवालयमा कर्मचारीहरु भेटिएनन् ।

प्रदेशसभाका माथिल्लो तहका सबै कर्मचारीहरु एकैपटक विवाहमा सहभागी हुँदा सचिवालय कर्मचारीविहीन भएको हो ।

शुक्रबार दिउँसो एक बजेसम्म पनि कर्मचारी कार्यालयमा नपुग्दा सचिवालयका सबै कुर्सीहरु खाली थिए ।

सचिवालय पुग्दा कुर्सी खाली नै देखिएको प्रदेशसभामा पुगेका सांसदहरुले बताए । शुक्रबार सभामुख प्रदीपकुमार भण्डारीसमेत संसद सचिवालयमा पुग्दा खाली देखेपछि एकैछिन सचिवालयमा बसेर फर्किनुभएकाे थियाे ।

अधिकांश कर्मचारीहरुको कार्यकक्षमा रहेको नेमप्लेटमा ‘बाहिर’ रहेको जनाउ दिइएको थियो ।

सचिवदेखि कर्मचारी कोही कार्यालयमा नभएको जानकारी पाएर संसद सचिवालयमा पुगेका पत्रकारलाई गेटमा रहेका सुरक्षाकर्मीले कोही कर्मचारी नभएको भन्दै भित्र जान नै रोकेका थिए ।

पछि सांसदज्युलाई भेट्न आएको भन्दै भित्र पसेका पत्रकारले कार्यालयमा कोही नदेखेपछि एकजना कार्यालय सहयोगीसँग कर्मचारी नआउनुको कारण सोधेका थिए । ती कार्यालय सहयोगीले कार्यालयका उपसचिव अर्जुन निरौलाको छोरीको बिहेमा गएका कारण कोही नभएको बताए ।

तर कार्यालयमा मर्यादापालक र सुरक्षाकर्मीहरु भने आफ्नै काममा व्यस्त थिए ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्