काेराेनाकाे कारण चीनमा एकैदिन ९७ जनाकाे ज्यान गयाे, सङ्क्रमितकाे सङ्ख्या भने 'स्थिर'

माघ २७, २०७६ सोमबार १३:२९:४ | एजेन्सी

काठमाण्डौ – कोरोना भाइरसका कारण चीनमा आइतबार एकैदिन ९७ जनाको ज्यान गएको छ ।

काेराेनाका कारण एकैदिन ज्यान गुमाएकामध्ये यो अहिलेसम्मकै धेरै सङ्ख्या हो । अहिलेसम्म कोरोनाका कारण चीनमा ज्यान गुमाउनेको सङ्ख्या ९ सय ८ पुगेको छ तर नयाँ सङ्क्रमितहरुको सङ्ख्या भने स्थिर छ ।

पूरै चीनमा ४० हजार एक सय ७१ जनामा कोरोनाको सङ्क्रमण पाइएको छ भने एक लाख ८७ हजार पाँच सयभन्दा बढीलाई चिकित्सकको निगरानीमा राखिएको छ ।

जापानमा पानी जहाजमा यात्रा गरिरहेका थप ६० भन्दा बढी मानिसमा कोरोनाको सङ्क्रमण देखिएपछि उनीहरुलाई क्वारेन्टाइनमा राखिएको छ । जहाजमा यात्रा गरिरहेका तीन हजार सात सय यात्रुमध्ये १ सय ३० जनामा कोरोनाको सङ्क्रमण देखिएको छ ।

गएको महिना जहाजमा यात्रा गरिरहेका हङकङका एक जना ८० वर्षीय वृद्धमा भाइरसको सङ्क्रमण देखिएपछि योकोहामा बन्दरगाहमा रहेको ‘द डायमण्ड प्रिन्सेस शिप’ लाई नै दुई हप्ताको क्वारेन्टाइनमा राखिएको छ । सङ्क्रमितहरुको नजिकैको अस्पतालमा उपचार भइरहेको छ ।

चीन सरकारको तथ्याङ्कअनुसार अहिलेसम्म तीन हजार दुई सय ८१ जना उपचारपछि पूर्ण रुपमा निको भएर डिस्चार्ज भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्