चीनबाट फर्कन आवेदन दिएका १ सय ८५ जनालाई शनिबार राति नेपाल ल्याइने

फागुन ३, २०७६ शनिबार ९:९:९ | उज्यालो सहकर्मी

काठमाण्डाै - चीनबाट फर्कन आवेदन दिएका १ सय ८५ जनालाई शनिबार राति नेपाल ल्याइने भएको छ ।

त्यसका लागि चार जना सरुवा रोग विशेषज्ञ चिकित्सकसहितको विमान शनिबार दिउँसो चीन जाने र राति फर्कने तयारी रहेको सरकारले जनाएको छ । उनीहरु सबैको चीनमै स्वास्थ्य परीक्षण गरिने र कोरोना नभएको पुष्टि भएपछि मात्र नेपाल ल्याइनेछ । कोरोनाको लक्षण देखिए उपचारका लागि चीनकै अस्पताल पठाइने छ ।

स्वास्थ्य परीक्षणका लागि उनीहरुलाई ४ घण्टा अघि नै चीनको विमानस्थलमा पुर्‍याइने नेपाली दूतावासले जानकारी दिएकाे छ । यस्तै त्रिभुवन विमानस्थल आइपुगेपछि पनि फेरि स्वास्थ्य परीक्षण गरिने भएकाले कोरोना संक्रमित ल्याउन लागेको भन्ने हल्लाको पछि नलाग्न स्वास्थ्य तथा जनसंख्या मन्त्रालयले आग्रह गरेको छ ।

परीक्षणमा कोरोनाको लक्षण देखिए टेकुमा रहेको शुक्रराज ट्रपिकल तथा सरुवा रोग अस्पतालमा लैजाने तयारी गरिएको छ । स्वस्थ व्यक्तिलाई भक्तपुरको खरीपाटीमा रहेको विद्युत प्राधिकरणको तालिम केन्द्रमा राखिने छ भने उनीहरुलाई लिन गएको विमानका चालक लगायतलाई नगरकोटको खानेपानीको कार्यालयमा निगरानीमा राखिनेछ ।

उनीहरुलाई त्यहाँ राख्दा कोरोनाको लक्षण देखिए तत्काल अस्पताल लगेर आइसोलेसनमा राख्ने तयारी छ । उनीहरुलाई २ हप्तासम्म आफन्तसँग पनि भेट्न दिइने छैन भने चौबिसै घण्टा विशेषज्ञ चिकित्सकको निगरानीमा राखिनेछ । कोरोना नभएको पुष्टि भएपछि उनीहरुलाई अभिभावकको जिम्मा लगाइनेछ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्