तीन वर्षपछि ‘बी’ डिभिजन लिग माघमा हुँदै
मंसिर ७, २०८१ शुक्रबार
बोली र व्यवहार सम्हाल्न नजान्दा मन्त्री पद गुमाउने नेताहरु
काठमाडौं – भाषण गर्ने बेला मिलाएर बोल्न नजान्दा मंगलबार कानुन न्याय तथा संसदीय मामिला मन्त्री शेरबहादुर तामाङले राजीनामा दिनुपरेको छ ।
बंगलादेशमा एमबीबीएस अध्ययनरत नेपाली छात्राको विषयमा जथाभावी बोलेको भन्दै चर्को आलोचना भएपछि उहाँ राजीनामा दिन बाध्य हुनुभएको हो ।
तामाङको अभिव्यक्तिले सरकार र पार्टीलाई नै जोडेर बदनाम गर्ने प्रयास भएकाे भन्दै सत्तारुढ नेकपाका शीर्ष नेताहरुले सोमबार साँझ बालुवाटार बोलाएर मन्त्री तामाङलाई राजीनामा दिन निर्देशन दिएका थिए । पार्टीका शीर्ष नेताहरुको निर्देशनपछि उहाँ राजीनामा दिन बाध्य हुनुभयो ।
तामाङले कानुन मन्त्रालयमा पत्रकार सम्मेलन गर्दै आफू सधैं नेपाली महिलाको सम्मानमा आँच आउन नदिने कुरामा सजग रहेको बताउनुभयो । पत्रकार सम्मेलनमा भावुक हुँदै तामाङले आफ्नो अभिव्यक्तिलाई तोडमोड गरेर प्रस्तुत गरिएको पनि दावी गर्नुभयो ।
साउन ४ गते काठमाडौंको एउटा विद्यालयमा भएको कार्यक्रमलाई सम्बोधनमा गर्ने क्रममा तामाङले बङ्गलादेशमा एमबीबीएस अध्ययन गर्ने नेपाली छात्राहरूले सर्टिफिकेट लिनका लागि शरीर सुम्पनुपरेको कुरा आफूले सुनेको उल्लेख गर्नुभएको थियो ।
नेपाली छात्राहरूको आत्मसम्मानमा चोट पुग्नेगरी कानुनमन्त्रीकै लज्जास्पद टिप्पणी आएको भन्दै उहाँको चौतर्फी विरोध सुरु भएको थियो । प्रतिपक्ष मात्रै नभई सत्तापक्षबाट पनि राजीनामा माग भएको थियो ।
सपथ लिएको ४ महिना ८ दिनमा तामाङले मन्त्री पदबाट बिदा लिनुपर्यो । नैतिकताका आधारमा राजीनामा दिएपछि उहाँको प्रशंसा सुरु भएको छ । यसअघि पनि यस्तै बोली र व्यवहारका कारण केही नेताले मन्त्री पदबाट राजीनामा दिनुपरेको थियो ।
हिलो र सुर्तीले मन्त्री पद गुमाउने हरि पराजुली
२०७२ असार १५ का दिन राष्ट्रिय धान दिवस तथा रोपाइँ महोत्सवमा अघिल्ला वर्षजस्तै सरकारले मन्त्रीको उपस्थितिमा रोपाइँ कार्यक्रम आयोजना गरेको थियो । त्यतिबेला कृषिमन्त्री हुनुहुन्थ्यो, हरि पराजुली । उहाँ धान दिवस मनाउन काठमाडौंको मूलपानी पुग्नुभयो । त्यहाँ रोपाइँ कार्यक्रम उदघाटन सकेपछि मन्त्री पराजुलीले रोपाइँ गरिरहेका महिलालाई छोएर हिलो खेलेको फोटो÷भिडियो भाइरल नै बन्न पुग्यो ।
महिलामाथि अश्लील हर्कत गरेको उहाँमाथि आरोप लाग्यो । सामाजिक सञ्जालमा पराजुलीको राजीनामा मात्रै होइन, हदैसम्मको कारबाहीको माग गरियो । चौतर्फी दबावपछि उहाँलाई पार्टी अध्यक्ष केपी शर्मा ओलीले आफ्नो निवास बालकोटमा बोलाएर स्पष्टीकरण मात्रै लिनुभएन, राजीनामा दिन दबाब दिनुपर्यो ।
त्यसको केही दिनभित्रै पराजुलीले पदबाट राजीनामा दिनुभयो । त्यसअघि काठमाडौंको एक कार्यक्रममा पराजुलीले सूर्ती खाएर मञ्चमै थुकेको तस्बिर पनि पत्रपत्रिकामा प्रकाशित भएपछि चर्को आलोचना भएको थियो ।
राष्ट्रियता विरोधी अभिव्यक्तिका कारण शरतसिंह भण्डारीको राजीनामा
२०६८ सालमा तत्कालीन माओवादीका नेता डा.बाबुराम भट्टराई नेतृत्वमा रहेका सरकारका रक्षा मन्त्री शरतसिंह भण्डारीले २२ जिल्लाले निर्णय गरे तराई नेपालबाट छुट्टिन कसले रोक्छ भन्ने अभिव्यक्ति दिएपछि विवादमा तानिनुभयो ।
०६८ असोज १ गते दिएको त्यही अभिव्यक्तिले त्यसको एक महिनापछि कात्तिक २ गते भण्डारीले मन्त्री पदबाट हात धुनुपर्यो । तत्कालीन फोरम लोकतान्त्रिक पार्टीले उहाँलाई रक्षामन्त्रीबाट फिर्ता बोलायो । देश नै टुक्र्याउने अभिव्यक्ति दिएको भन्दै उहाँको चर्को आलोचना भएको थियो । उहाँका समर्थक कार्यकर्ता भने सरकारबाट फिर्ता बोलाउने निणर्यका विरुद्ध सडक आन्दोलनमै उत्रिएका थिए ।
गिरिजासँग निहुँ खोजेपछि मातृकाको मन्त्री पद चट
वर्तमान सरकारका उद्योग, वाणिज्य तथा आपूर्ति मन्त्री मातृका यादव पनि एकपटक यसअघि बर्खास्तीमा पर्नुभएको छ । २०६४ सालमा वनमन्त्री हुँदा वातावरण विनाश हुनेगरी अवैध ढुंगाखानी सञ्चालन गर्नेमाथि कारबाही नगरेको भन्दै उहाँले ललितपुरका तत्कालीन स्थानीय विकास अधिकारीलाई मन्त्रालयकै शौचालयभित्र थुन्नुभएको थियो । यो घटनापछि उहाँ एकाएक चर्चामा आउनुभयो ।
लगत्तै तत्कालीन प्रधानमन्त्री गिरिजाप्रसाद कोइरालसँगको विवादका कारण यादव मन्त्रीबाट बर्खास्तीमा पर्नुभयो । कोइरालासँग विवाद भएपछि तत्कालीन माओवादीले यादवलाई मन्त्रीबाट फिर्ता बोलाउनुपरेको थियो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
नवराज फुयाँल
फुयाँल सञ्चारकर्मी हुनुहुन्छ । उहाँ राजनीति, विकास निर्माण र समसामयिक विषयमा कलम चलाउनु हुन्छ। 
3 Comments
समाचार
-
-
युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र...
मंसिर ७, २०८१ शुक्रबार
-
सार्वभौम साख मूल्याङ्कनमा नेपालको सन्तोषजनक नतिजा, दक्षिण एशिय...
मंसिर ७, २०८१ शुक्रबार
-
खोला किनारको २० मिटर मापदण्डको फैसलामा सर्वोच्चले पुनरावलोकन...
मंसिर ७, २०८१ शुक्रबार
-
विश्व विजेता किक बक्सर ‘हिमचितुवा’ घिमिरे नेपालमा सम्मानित
मंसिर ७, २०८१ शुक्रबार
-
चितवनमा धान उत्पादन घट्यो
मंसिर ६, २०८१ बिहिबार
-
अर्घाखाँचीको सन्धिखर्क नगरपालिका र मातहतका कार्यालयमा हट्यो ढड्...
मंसिर ६, २०८१ बिहिबार
-
अलैंचीको मूल्य उच्च विन्दूमा, ४० किलाेकाे एक लाख सात हजार रु...
मंसिर ६, २०८१ बिहिबार
-
पहिलो चौमासिकमा राजस्व सङ्कलन बढ्यो
मंसिर ६, २०८१ बिहिबार
-
दैलेखको दुल्लूमा बोक्सीको आरोपमा एक जनाको हत्या
मंसिर ६, २०८१ बिहिबार
-
काठमाण्डौ उपत्यकामा ३ जना मृत भेटिए
मंसिर ६, २०८१ बिहिबार
-
जलवायु वित्तको आकार नबढे नेपाललगायत अतिकम विकसित देशको लक्ष्...
मंसिर ६, २०८१ बिहिबार
-
मेडिकल कलेज तथा सरकारी अस्पताललाई शुल्क विवरण सार्वजनिक गर्न ...
मंसिर ६, २०८१ बिहिबार
-
नेपाल एअरलाइन्सको अन्तर्राष्ट्रिय भाडादरमा छुट
मंसिर ६, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
बिजय सापकोटा
July 24, 2018, 10:15 p.m.बेलामा होस गुमाउदा फुर्सदमा पछुतो भएको छ मन्त्री तामाङलाइ तर पनि दबाबमा होस या स्वतस्फूर्त होस् बेलैमा राजीनामा दिएर उच्च नैतिकता मात्र प्रस्तुत गरेनन कि चौतर्फी प्रशङ्शाको पात्र पनि बनेका छन् ।।
Rupraj dhami
July 24, 2018, 9:59 p.m.मन्त्री ले गल्ती काम त गरेका होइनन् उन्ले नेपाली चेली को आस्मिता बिदेश मा लुट्इइछ भन्ने कुरा सुनेका बक्त गरेका हुन तेस्को लागि नेपाल मै मेडिकल कलेज खोल्नु पर्छ भनेका हुन बोल्न गल्ती सजाय ठुलो भोग्नु पर्यो बिचार नेता सोझा र भग्य बिग्रेका रहेछन
मिङमा शेर्पा
July 24, 2018, 9:59 p.m.कानुन मन्त्री ले माफी मागी मागी सके पछि पद बाट राजीनामा दिनु जरुरी थियो त ??? के राजीनामा दिए पछि बंगलादेशमा अध्यनरत चेलीबेटी हरु दुधले दुएर आउला ???