प्रदेश सभामा मन्त्री बस्न छाडेपछि सांसदको आक्रोश

फागुन ६, २०७६ मंगलबार २०:११:२५ | सुमन तिमल्सिना

मोरङ - प्रदेश १ को प्रदेश सभा बैठमा मन्त्री बस्न छाडेको भन्दै सांसदहरुले आक्रोेश व्यक्त गरेका छन् ।

संघीय लिम्बुवान राष्ट्रिय मञ्चकी सांसद बिष्णु तुम्बाहाम्फेले सभामा मन्त्री नबसेपछि सभामा उठेका प्रश्नको सही जवाफ नआएको भन्दै गुनासाे गर्नुभएको हो।

‘एकजना राज्यमन्त्रीले मात्रै संसदको आवश्यकता पूरा हुँदैन । सभामा सबै मन्त्रीहरु बस्नुपर्छ । मन्त्री नै नभएपछि प्रश्नको जवाफ कसले फर्काउँछ?’ उहाँले भन्नुभयो।

सांसद लोकप्रसाद संग्रौलाले पनि मन्त्री नहुँदा सदन खाली हुने गरेको गुनासो गर्नुभयो । कांग्रेसका प्रमुख सचेतक केदार कार्कीले पनि मन्त्री नभएको भन्दै नियमापत्ति जनाउनु भएको थियो ।

‘कुनै खास विषयमा छलफल हुँदा सम्बन्धित मन्त्री बस्नुपर्ने व्यवस्था छ । तर, मन्त्री सभामा नबस्दा महत्वपूर्ण विषयका छलफलले समेत टुङ्गो पाउन मुस्किल हुने गरेको छ’, उहाँले भन्नुभयाे ।

उहाँले उद्योग, पर्यटन वन तथा वातावरण मन्त्रालयबाट पेश भएको विधेयकको बारेमा छलफल हुँदा मन्त्री र राज्यमन्त्री नभएपछि छलफलको औचित्य नभएकाे बताउनुभयो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्