पितृसत्ता अझै केही वर्ष टिक्छ : नवनियुक्त कानुनमन्त्री तुम्बाहाङ्फे

फागुन ७, २०७६ बुधबार २०:४७:१८ | सुमन तिमल्सिना

माेरङ - कानुन, न्याय तथा संसदीय मामिला मन्त्री शिवमाया तुम्बाहाङ्फेले मुलुकमा राजसंस्था फाल्न सके पनि पितृसत्ता अझै केही वर्ष रहिरहने बताउनु भएको छ ।

विराटनगर विमानस्थलमा बुधबार दिउँसो सञ्चारकर्मीसँगको कुराकानीमा नवनियुक्त मन्त्री तुम्बाहाङ्फेले पितृसत्ताको जरो उखेलिन अझै केही वर्ष कुर्नुपर्ने बताउनु भएको हो ।

‘यो धेरै वर्षदेखि गडेर बसेको हो, म खुलेर भन्छु, हामी पितृसत्ता हटाउने स्थान सम्म पुगेकै रहेनछौँ,’ उहाँले भन्नुभयाे, ‘यसका लागि नेपालका हामी नेतृत्व मात्र नभइ नागरिकमा चेतनाको विकास आवस्यक छ ।’

पितृसत्ता संस्थापक रुपमा विकास भएको उहाँको भनाइ छ। यसको प्रभाव महिलामा मात्रै नभइ पुरुष र सिंगो समाजमा परेको मन्त्री तुम्बाहाङ्फेले जानकारी दिनुभयो ।

न्याय क्षेत्रको सुधारका लागि मन्त्री तुम्बाहाम्फेले सामान्य नागरिकमा समेत न्यायको महसुस र न्यायालयसम्म सजिलै पुग्ने वातावरण बनाउने दावी गर्नुभयो ।

उपसभामुखबाट सभामुख हुन नसकी पदबाट राजीनामा दिनुलाई पाटीले पदच्यूत गरेको भनेर बुझ्न नहुने भन्दै उहाँले आफूलाई पार्टीले अन्याय गरेको महसुस नभएको बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्