दैलेख कारागार : पुरुषभन्दा महिला कैदीबन्दीमा बढी मानसिक समस्या

फागुन १३, २०७६ मंगलबार १४:४१:९ | अमर सुनार

दैलेख - दैलेख जिल्ला कारागारमा रहेका पुरुष कैदीबन्दीभन्दा महिला कैदीबन्दीमा बढी मानसिक समस्या रहेको पाइएको छ।

नेपाल प्रहरी अस्पतालका मनोरोग चिकित्सक विशेषज्ञ डा.आशिष दत्तसहितको टोलीले गरेको अनुसन्धानले ७० प्रतिशत महिला कैदीबन्दीमा मानसिक समस्या रहेको पाइएको हो ।

१३ जना महिला कैदीबन्दीमध्ये ९ जनामा आत्तिने समस्या र २ जनामा डिप्रेसनको समस्या देखिएको दत्तले बताउनु भएको छ । गएको फागुन १० गतेदेखि स्वास्थ्य सेवा कार्यालय दैलेखले गरेको कैदीबन्दी लक्षित मानसिक स्वास्थ्य परीक्षणमा बहुविवाहको मुद्धामा सजाय भोगिरहेका महिलामा अझै बढी समस्या देखिएको छ । मानसिक समस्या देखिएका १५ जना पुरुष कैदीमध्ये २ जना डिप्रेसन अवस्थामा पुगेको दत्तले बताउनुभयो ।

८० जना पुरुष र २० जना महिला गरी सय जना कैदीबन्दीको क्षमता रहेको यस कारागारमा अहिले १ सय २९ जना पुरुष र १३ जना महिला समेत १ सय ४२ जना कैदीबन्दी रहेका छन् ।

कैदीबन्दीको मानसिक स्वास्थ्य परीक्षण, अपराध हुँदाको अवस्था र मुद्दा चलिसकेपछिको मानसिक अवस्थाबारे अध्ययन गरिएको हो ।

महिलामा बहुविवाह, सम्बन्ध बिच्छेद,पारिवारिक चिन्ताको कारण मानसिक समस्या देखा परेको अनुसन्धानबाट खुल्न आएको छ। पुरुषमा भने लागुऔषध ओसारपसार तथा दुर्व्यसनीकाे मुद्दामा परेका कैदीबन्दीहरुमा आत्तिने, निरासा, हतोत्साही हुने समस्या देखिएको बताइएको छ ।

कैदीबन्दीलाई लक्षित गरेर मानसिक स्वास्थ्य सेवा कार्यक्रम अन्तरगत स्वास्थ्य परीक्षण, परामर्श तथा औषधि उपचार गरिएको दैलेख अस्पतालका डा. निरञ्जन पन्तले बताउनुभयाे ।

निमित्त प्रमुख जिल्ला अधिकारी इन्द्रबहादुर क्षेत्रीले नियोजित वा आवेशजन्य परिवेशमा भएको अपराध कर्म स्वीकार गरेकाहरुलाई सुधार गर्न कारागार बनाइएको बताउनु भयो । कानुन व्यवहारिक हुननसक्दा कैदीबन्दीमा मानसिक समस्या पैदा गराएको टिप्पणी गर्दै उहाँले समय अनुसारका कानुन सुधार गर्नुपर्ने बताउनुभयो।

कारागारमा बहुविवाह गरेका महिलाबाट जन्मेका २ वर्ष मुनिका एक बालिका र एक बालक आमासँग कारागारमै रहेकाे जेलर जीतबहादुर खत्रीले जानकारी जानकारी दिनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्