एक जनाको लागि संविधान संशोधन हुँदैन : उपप्नधानमन्त्री पोखरेल

फागुन १६, २०७६ शुक्रबार १९:४५:१२ | सुमन तिमल्सिना

माेरङ - उपप्रधान तथा रक्षामन्त्री ईश्वर पोखरेलले एक जनाको लागि मात्र संविधान संशोधन हुन नसक्ने बताउनु भएको छ।

‘एक व्यक्तिलाई प्रधानमन्त्री बनाउने कि नबनाउने, राष्ट्रिय सभाको सदस्य प्रधानमन्त्री हुने कि नहुने भन्ने विषयमा मात्र संविधान संशोधन हुँदैन, उपप्रधानमन्त्री पोखरेलले भन्नुभयो, हामीले भन्दै आएको कुरा के हो भने अभ्यास अनुभव र औचित्यको आधारमा संविधान संशोधन हुन्छ ।’

सरकार असफल रहेको हो भन्ने पत्रकारको जिज्ञासामा मन्त्री पोखरेलले सरकार पूर्ण आफ्नो हैसियतमा भएका र रहिरहने दावी गर्नु भयो । विराटनगर बिमानस्थलमा आज साँझ पत्रकारसँग कुरा गर्दै प्रधानमन्त्री परिवर्तन गर्ने विषयमा मन्त्री पोखरेलले भन्नुभयो, ‘विधि सम्मत पार्टी अध्यक्ष प्रधानमन्त्री रहेको अवस्थामा प्रधानमन्त्री फेर्ने बारेमा त्यो कहीँ कतै चर्चा परिचर्चा पार्टीभित्र भएको छैन ।’

अध्यक्ष बीचमा देखिएको अन्तरद्वन्द्व र घटना क्रमले कार्यकर्तामा चिन्ता सिर्जना गर्न सक्ने भए पनि सरकारको मन्त्री र सचिवालय सदस्यको हैसियतमा कुनै पनि चिन्ता लिन नहुने बताउनुभयो ।

पार्टीभित्रको गुटबन्दीलाई आफूले सरकारभित्रको षड्यन्त्रपूर्ण खेलको रुपमा लिएकाे मन्त्री पोखरेलले बताउनु भयो । सरकारका बीचमा देखिने र नदेखिने त्यस्ता षड्यन्त्रपूर्ण खेललाई चल्न नदिने मन्त्री पोखरेलको भनाइ छ । उहाँले अहिलेको सरकार नै पाँच वर्षसम्म टिकिरहने दावी पनि गर्नुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एक जनाको लागि संविधान संशोधन हुँदैन : उपप्नधानमन्त्री पोखरेल

फाइल फाेटाे

तपाईको प्रतिक्रिया