चीनमा तस्करी गरेर ल्याइएको सालकमा कोरोना भाइरसँग मिल्दोजुल्दो भाइरस भेटिएको पुष्टि

चैत १४, २०७६ शुक्रबार ११:३३:३७ | उज्यालो सहकर्मी

काठमाण्डौ – चीनमा तस्करी गरेर ल्याइएको सालकमा कोरोना भाइरस (कोभिड १९) सँग मिल्दोजुल्दो भाइरस भेटिएको पुष्टि भएको छ ।

भविष्यमा कोरोना जस्तो सङ्क्रमण हुन नदिन जङ्गली जीव जनावरको बिक्री पूर्णरुपमा रोक लगाउन आवश्यक रहेको ‘नेचर जर्नल’मा प्रकाशित एक नयाँ अनुसन्धानमा संलग्न अनुसन्धानकर्ताले सुझाव दिएका छन् ।

यसअघि चमेरोलाई कोरोना भाइरसको मूल स्रोत रहेको दाबी गरिएको थियो । तर चीनमा तस्करी गरेर ल्याइएको सालकमा कोरोनासँग मिल्दोजुल्दो भाइरस भेटिएको पुष्टि भएको अनुसन्धानकर्ताको दाबी छ ।

सालक स्तनधारी जीव हो, जसको मासु खान र पारम्परिक औषधिको रुपमा प्रयोग हुने गरेको छ । औषधिको रुपमा पनि प्रयोग हुने भएकाले सालक धेरै तस्करी हुने मध्येको एक जीव रहेको अन्तर्राष्ट्रिय सञ्चारमाध्यमले जनाएका छन् ।

कोरोना भाइरस जन्माउन सालकको भूमिका र भविष्यमा मानिसहरुमा त्यो सङ्क्रमणको खतराबारे थप अध्ययनको लागि पनि चीन र दक्षिण पूर्व एसियाको जङ्गलमा पाइने सालकलाई अतिरिक्त निगरानीमा राख्नुपर्नेमा अनुसन्धानकर्ताले जोड दिएका छन् ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्