कोरोना भाइस : सल्यानमा एम्बुलेन्स तयारी अवस्थामा

चैत १५, २०७६ शनिबार १३:५२:७ | पुरुषोत्तम गिरी

सल्यान – सल्यानमा पनि कोरोना भाइरस (कोभिड १९) को सङ्क्रमण्बाट बच्न तयारी तीव्र बनाइएको छ । १० वटै पालिकाले भारतलगायत देशबाट आएकाहरुको लगत सङ्कलन गरी उनीहरुलाई निगरानीमा राखेका छन् ।

जिल्ला अस्पताल सल्यानमा २० वटा क्वरेण्टीन र ५ वटा आइसोलेशन बेड तयारी अवस्थामा राखिएको छ । तर अहिलेसम्म जिल्लामा शङ्कास्पद बिरामी नभेटिएको प्रमुख जिल्ला अधिकारी शविराम पोखरेलले बताउनुभयो ।

सल्यानमा कोही शङ्कास्पद देखिएमा तत्कालै रुकुमको चौरजहारी, तुलसीपुर र सुर्खेतमा पठाउने गरी एम्बुलेन्स तयारी अवस्थामा राखिएको छ । पालिकाहरुले प्रकोप व्यवस्थापन कोषको रकम खर्च गर्ने गरी तयारी अवस्थामा रहेको पोखरेलले बताउनुभयो ।

जिल्लामा ‘लकडाउन’ हुनुअघि कपुरकोट नाका भएर कर्णाली प्रदेश भित्रिएका २७ हजारको कपुरकोटमा ज्वरो जाँच र स्वास्थ्य परीक्षण गरिएको थियो । उनीहरु सबैको अवस्था सामान्य देखिएको थियो ।

लकडाउनको समयमा दैनिक उपभोग्यका सामान किन्नको लागि सल्यानमा बेलुकी ४ बजेदेखि एक घण्टाको समय मिलाइएको छ । सदरमुकाम तथा बजार क्षेत्रमा सुनसान रहेको छ भने गाउँमा मानिसहरु परिवारका सदस्य जुटेर पशुचौपायाको स्याहार तथा खेतीपातीको काम गरिरहेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्