प्रदेश ५ मा २९ जना आइसोलेसनमा, ५ सय जना क्वरेण्टीनमा

चैत १६, २०७६ आइतबार १२:३७:४ | भवानीप्रसाद पाण्डे

रुपन्देही–कोेरोना भाइरसको जोखिमलाई मध्यनजर गर्दै प्रदेश ५ मा ५ सय जनाभन्दा बढीलाई क्वरेण्टीनमा राखिएको प्रदेश प्रहरीले बताएको छ ।

प्रदेश प्रहरी प्रमुख नरबहादुर केसीकाअनुसार रुपन्देहीमा ५२ जनासहित प्रदेशभित्र ५ सय जनाभन्दा बढीलाई क्वरेण्टीनमा राखिएको हो ।

यस्तै प्रदेशभित्र २९ जनालाई आइसोलेसनमा राखिएको छ ।

प्रदेशका १२ जिल्लामा १ सय ९० स्थानमा क्वरेण्टीन बनाइएको छ । ति क्वरेण्टीनमा २ हजार ३ सय शैय्या रहेका छन् ।

प्रदेशमा सबैभन्दा बढी रुपन्देहीका १६ स्थानीय तहमा ३ सय ५४ शैय्या रहेका छन् । प्रदेशमा अधिकांश क्वरेण्टीन विद्यालय भवनमा बनाइएका छन् ।

प्रदेशको सामाजिक विकास मन्त्रालयका अनुसार नवलपरासीमा १४ , पाल्पामा २३, अर्घाखाँचीमा ३४, प्युठानमा १६, बर्दियामा १९ र कपिलवस्तुमा १६ स्थानमा क्वरेण्टीन बनाइएको छ ।

त्यस्तै गुल्मीमा २६, बाँकेमा ८, दाङमा १६, रोल्पामा १ तथा रुकुम पूर्वमा २ स्थानमा क्वरेण्टीन तयार भएका छन् । क्वरेण्टीनमा भारतसहित तेस्रो मुलुकबाट आएका नेपाली तथा अन्य देशका शंकास्पद नागरिकलाई राखिएका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्