डुमको घरमा झाडु लगाउँदै मुख्यमन्त्री राउतले गरे स्वच्छता अभियानको आरम्भ

साउन १२, २०७५ शनिबार १८:४०:६ | उज्यालो सहकर्मी

धनुषा – मुख्यमन्त्री लालबाबु राउतले डुमको घरमा हाते कलको शिलान्यास र झाडु लगाउँदै खानेपानी तथा स्वच्छता अभियानको आरम्भ गर्नुभएको छ ।

मुख्यमन्त्री राउतले धनुषाको लक्ष्मिनियाँ गाउँपालिका–३, बनिगामा स्थानीय कुसे मल्लिक डुमको घरमा खानेपानीका लागि हातेकलको शिलान्यास र झाडु लगाउनु भएको हो । परड्याप्स संस्थाको तत्परतामा वडा नम्बर ३ मा संचालित खानेपानी योजनाको शिलान्यास गर्दै मुख्यमन्त्री राउतले प्रदेश सरकार विकासका साथसाथै समाजिक रुपान्तरणलाई मुख्य आधार बनाएर अगाडि बढी रहेको बताउनुभयो ।

स्वच्छता र शिक्षा विकासको मुल आधार रहेको बताउँदै मुख्यमन्त्री राउतले यसमा लाग्न सर्वसाधारणसँग आग्रह समेत गर्नुभयो । उहाँले आगामी चुनावबाट बन्ने प्रदेश सरकामा ५० प्रतिशत महिलाको सहभागित हुने बताउनुभयो । त्यस्तै निजामति कर्मचारीतर्फ पनि महिला सहभागिताको संख्या बढाउन प्रदेश सरकार प्रतिबद्ध रहेको मुख्यमन्त्री राउतको भनाई छ ।

वडा नम्बर ३ मा मुख्यमन्त्री स्वच्छता अभियान अन्तर्गत सञ्चालित आयोजन अन्तर्गत १ करोड ८ लाख ४४ हजार बजेटमा १ सय ४२ वटा हातेकल गाडिने छ । त्यस समारोहमा प्रदेश नम्बर २ का मुख्य न्यायाधिवक्ता दिपेन्द्र झा, फोरमका नेता शेषनारायण यादवलगायतको उपस्थिति रहेको थियो ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्