दैलोदैलोमै दैनिक रगत संकलन, रेडक्रस भन्छ : रगत अभाव छैन

चैत २८, २०७६ शुक्रबार १६:५७:५५ | उज्यालो सहकर्मी

भक्तपुर - नेपाल रेडक्रस सोसाइटी, भक्तपुर जिल्ला शाखाले लकडाउनको अवधिमा रगतको अभाव हुन नदिन घरदैलोमै रगत संकलनको अभियान सञ्चालन गरेको छ ।

'रगत नपाए भक्तपुर जाऔँ 'भन्ने पुरानो नारालाई स्थापित गर्दै सरकारले गरेको लकडाउनमा रेडक्रसले ‘डोर टु डोर रक्तदान’ अभियान सञ्चालन गरेको रेडक्रसका भक्तपुर जिल्ला सभापति मनोजकुमार थापाले जानकारी दिनुभयो ।

रेडक्रस कै समन्वयमा आज मध्यपुरथिमि श्यामा श्यामा धाम राधेराधेमा राधामाधव समितिअन्तर्गत डिभाइन युथ क्लब नेपालले सञ्चालन गरेको रक्तदानमा २७ जना युवाले रक्तदान गरेको समितिका प्रेस संयोजक मुकुन्द अर्यालले जानकारी दिनुभयो ।

रगतको अभाव हुन नदिन लकडाउन भएको दिन चैत ११ गतेदेखि नै दिनदेखि स्वयंसेवी रक्तदाता समाज (ब्लोदान) र स्वयंसेवी रक्तदाताको सहयोगमा हरेक दिन रगत संकलन गरेको सभापति थापाले जानकारी दिनुभयो ।

सुत्केरी, क्यान्सर, मिर्गौला, अन्य शल्यक्रिया, दुर्घटना लगायतका बिरामीलाई नियमित नै रगतको आवश्यक्ता पदर्ने तर लकडाउनले रक्तदान हुननसक्दा बिरामी र बिरामीका आफन्तलाई ठुलो समस्या पर्ने भएपछि उपत्यकाका विभिन्न स्थानमा डोर टु डोर रक्तदान अभियान सञ्चालन गरेको उहाँको भनाइ छ ।

दैनिक तीन चार ठाउँमा रक्तदान कार्यक्रम राखेर सामाजिक दूरी कायम गरी सुरक्षित तवरले रक्तदान गर्ने गरेको जानकारी दिँदै १२५ पिन्टसम्म रगत वितरण भइरहेको जानकारी दिनुभयो ।

रेडक्रसका सभापति थापाले भन्नुभयो, ‘अहिले रगतको अभाव हुन दिएका छैनौँ, ११ गतेयता अहिलेसम्म १६ सय पिन्ट रगत संकलन गरिसक्यौँ, अहिले पनि होल ब्लड ५००, पीपीआर ब्लड १०० र एफएफपी ब्लड ८०० पिन्ट स्टक छ, आत्तिनु पर्ने अवस्था छैन ।’

त्यसैगरी रेडक्रसले जिल्लाका भक्तपुर, चाँगुनारायण, मध्यपुर र सुर्यविनायक नगरपालिका प्रत्येकलाई रु.एक लाख रुपैयाँका दरले राहत सामाग्री वितरण गर्नेगरी नगरपालिकाको विपद कोषमा चार लाख रुपैयाँ प्रदान गरेको जानकारी दिनुभयो ।

रेडक्रसले कोभिड-१९ बारे जनचेतना फैलाउन सबै नगरपालिकामा माइकिङ्ग गर्ने जिल्लाबाट सञ्चालित एम्बुलेन्स र रक्तसञ्चार सेवालाई गुणस्तरीय रुपमा सञ्चालन गर्ने, एम्बुलेन्स चालकलाई पीपीई सेट, मास्क, पञ्जा लगायतका सामाग्रीहरु वितरण गरेको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्