जान्हवी पछि श्रीदेवीकी अर्की छाेरी खुशी पनि बलिउडमा अाउने तयारीमा

साउन १३, २०७५ आइतबार १६:९:३५ | उज्यालो सहकर्मी

बलिउड अभिनेतृ श्रीदेवीकी जेठी छोरी जान्हवी कपूरको डेब्यु फिल्म ‘धडक’ बक्स अफिसमा सफल सावित भइसकेको छ ।

जान्हवी कपूरको यस फिल्मले प्रदर्शनको ८ दिन नपुग्दै ५० करोड भन्दा बढीको व्यापार गर्दै सन् २०१८ मा सर्वाधिक व्यापार गर्ने फिल्महरु मध्यको एक बन्न सफल भइसकेको छ ।

फिल्म ‘धडक’ निर्माता करण जोहरले निर्माण गरेका हुन भने यस फिल्मको निर्देशन शशांक खेतानले गरेका हुन ।

यस अघि श्रीदेवी र बोनी कपूरकी छोरी भनेर चिनिने जान्हवी कपूरले पहिलो फिल्मबाटै अभिनयका बलले आफ्नो छुट्टै पहिचान बनाउन सफल भएकी छिन ।

पहिलो फिल्मबाटै सफलताको स्वाद चाखेकी जान्हवी कपूर अब उनकी बहिनी खुशी कपूरलाई पनि बलिउडमा ल्याउन प्रयासमा छिन् ।

यस कुराको प्रमाण स्वयम् जान्हवी र खुशी कपूरले सामाजिक सञ्जालमा पोष्ट गरेका तस्विरहरु हुन । सार्वजनिक भएका तस्विरमा जान्हवी उनकी बहिनीलाई जीममा तालिम गराई रहेकी देखिन्छीन ।

फोटोमा जान्हवी बहिनी खुशीलाई कसरत गराएर फिट बनाउदै गरेकी देखिन्छिन् ।

पछिल्लो केही दिन यता श्रीदेवीकी कान्छी छोरी खुशी कपूर पनि अब छिट्टै बलिउड डेब्यूको तयारी गरिरहेको खबर भारतिय मिडियाले प्रकाशित गरिरहेका छन् ।

खबरहरुका अनुसार खुशी कपूरलाई मोडलिङ अफरहरु पनि आइरहेका छन् । तर उनले कुनै पनि अफरहरु स्वीकारेकी छैनन् ।

खुशीले मोडलिङ स्वीकार नगर्नुको कारण बलिउड नै रहेको छ । खुशी कपूर मोडलिङमा आफ्नो करियर बनाउन चाहन्थीन तर अब भने उनको मन बदलिएको छ ।

खुशी अब मोडलिङ नभइ बलिउडमा आफ्नो करियर बनाउन चाहन्छिन् ।

तर खुशी कपूरले कुन निर्देशकका साथमा कहिले बलिउड डेब्यू गर्दैछिन भन्ने कुरा भने अहिले टुंगो लागिसकेको छैन ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्