परदेशमा ज्यान गुमाउनेका परिवारलाई वैदेशिक रोजगार बोर्डमा सम्पर्क गर्न आग्रह

वैशाख ११, २०७७ बिहीबार १६:३६:२ | उज्यालो सहकर्मी

काठमाण्डौ – वैदेशिक रोजगारीको क्रममा परदेशमै ज्यान गुमाएका र लकडाउनका कारण स्वदेश ल्याउन नसकेका परिवारका सदस्यलाई फोन गरेर विवरण टिपाउन वैदेशिक रोजगार बोर्डको सचिवालयले आग्रह गरेको छ ।

यो लकडाउनको बेला कतिपय अवस्थामा कुन श्रमिकको ज्यान कसरी गयो भनेर पनि थाहा नहुने भएकाले आफूसँग भएको जानकारी टिपाइदिन आग्रह गरिएको बोर्डका कार्यकारी निर्देशक राजनप्रसाद श्रेष्ठले बताउनुभयो ।

वैदेशिक रोजगार बोर्डको कल सेन्टरमा फोन गरेर मृतकको नामथर, पासपोर्ट नम्बर, मृत्यु भएको मिति र नेपालमा सम्पर्क व्यक्तिको नाम र फोन नम्बर टिपाइदिन आग्रह गरेको हो ।

यस्तै उहाँले यो समयमा परदेशमा ज्यान गुमाएका नेपाली श्रमिकको शव ल्याउने विषयमा पनि यो सूचनाले सहयोग हुने बताउनुभयो । तर अहिले नै परदेशबाट शव ल्याउने विषयमा कुनै तयारी नभएको उहाँको भनाइ छ ।

कल सेन्टरको सम्पर्क फोन नम्बर ११४१ अथवा १६६००१५०००५ (निस्शुल्क) र विदेशबाट ९७७१०९७०००८ (सशुल्क) मा सम्पर्क गर्न बोर्डले आग्रह गरेको छ ।

याे पनि पढ्नुहाेस्

अप्रिल २३ : खाडी र मलेसियाकाे काेराेना अपडेट

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्