खोटाङ - खोटाङमा होम क्वरेण्टीन उल्लङ्घन गर्ने दुई युवतीलाई प्रहरीले नियन्त्रण लिएकाे छ । होम क्वरेण्टीनमा बस्ने शर्तमा काठमाण्डौबाट शुक्रबार घर आइपुगेका हलेसी तुवाचुङ नगरपालिका ८ का दुई जना युवती घरबाहिर डुलिरहेको अवस्थामा नियन्त्रणमा लिइएकाे प्रहरीले जनाएको छ । 

१४ दिनसम्म होम क्वरेण्टीनमा बस्ने शर्तमा कबुलियतनामा गरेर जयरामघाट नाकाबाट नगरपालिका प्रवेश गरेका युवती धितुङबाट हलेसी जाँदै गरेको अवस्थामा शनिबार प्रहरीले नियन्त्रणमा लिएकाे मेयर इवन राईले बताउनुभयो । 

होम क्वरेण्टीनमा बस्ने कागजात गरेर गाउँ आए पनि घरबाहिर निस्केको पाइएपछि नियन्त्रणमा लिइउकाे प्रहरीले जनाएको छ । होम क्वरेण्टीन उल्लङ्घन गर्ने युवतीलाई गाउँकै क्वरेण्टीनमा राख्ने तयारी गरिएको नगरपालिकाले जनाएको छ । 

लकडाउनका कारण काठमाण्डौमा समस्यामा परेका नगर क्षेत्रभित्रका एक हजार दुई ६७ जनालाई नगरपालिकाले बिहीबार र शुक्रबार २५ वटा बस रिजर्भ गरेर घर फर्काएको थियो ।

होम क्वरेण्टीनमा बस्ने कबुलियतनामा उल्लङ्घन गर्ने स्थानीयलाई प्रहरीमार्फत नियन्त्रणमा लिएर क्वरेन्टीनमा लगेर राखिने हलेसी तुवाचुङ नगरपालिकाका मेयर इवन राईले बताउनुभयाे ।