माैसम बदली : चट्याङ, हावाहुरी र असिनासहित पानी पर्ने सम्भावना

वैशाख १६, २०७७ मंगलबार ७:५०:१३ | उज्यालो सहकर्मी

काठमाण्डाै – अहिले देशका धेरै ठाउँको मौसम बदली भइ केही ठाउँमा पानी परिरहेको छ । केही ठाउँको मौसम भने आशिंक बदली भएको छ ।

पूर्वमा बनेको न्यून चापीय क्षेत्रसँगै, पश्चिमी र स्थानीय वायु तथा बङ्गालको खाडी र अरब सागरबाट जलवाष्पयुक्त हावा नेपाल भित्रिरहेकाले देशका धेरै ठाउँको मौसम अहिले बदली भइ केही ठाउँमा पानी परिरहेको मौसम पूर्वानुमान महाशाखाले जनाएको छ ।

महाशाखाका अनुसार अहिले धनकुटा आसपासका क्षेत्रमा पानी परिरहेको छ भने डढेल्धुरा, धनगढी, जुम्ला, बाराको सिमरा आसपासको मौसम खुल्न सकेको छैन । अरु ठाउँको मौसम भने आशिंकदेखि सामान्य बदली भएको छ ।

एकैपल्ट धेरै प्रणाली सक्रिय भएकाले अहिले खुलेको ठाउँको मौसम पनि दिउँसोपछि बदली हुने देखिएको मौसम पूर्वानुमान महाशाखाले जनाएको छ । महाशाखाका अनुसार आज देशभरिकै मौसम सामान्य बदली भइ धेरै ठाउँमा मेघगर्जन, चट्याङ, हावाहुरी र असिनासहित पानी पर्ने सम्भावना छ ।

यस्तै आज राति पनि देशभरिकै मौसम बदली भइ मध्य र पूर्वका केही तथा पश्चिमका थोरै ठाउँमा पानी पर्नेछ । बुधबार र बिहीबार पनि देशभरिकै मौसम बदली भए पनि आजको भन्दा कम पानी पर्ने मौसमविद्ले बताएका छन् ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

माैसम बदली : चट्याङ, हावाहुरी र असिनासहित पानी पर्ने सम्भावना

प्रतिकात्मक तस्बिर

तपाईको प्रतिक्रिया