कोरोना सङ्क्रमित फेला परेपछि रुपन्देहीको पुर्निहवामा आवतजावतमा रोक

वैशाख २०, २०७७ शनिबार १३:४२:२९ | भवानीप्रसाद पाण्डे

रुपन्देही - २५ वर्षीय युवा कोरोना सङ्क्रमित भेटिएपछि रुपन्देहीको कोटहीमाई गाउँपालिका-१ को पुर्निहवामा प्रशासनले आउन जान बन्द गराएको छ ।

मझगावामा रहेको आदर्श उच्च माध्यमिक विद्यालयको क्वरेन्टीनमा रहेका युवामा कोरोना पुष्टि भएपछि आवजजावत बन्द गरिएको हो । सिल गरिएको यो गाउँमा अर्को सूचना नभएसम्म आउजाउ गर्न नपाइने रुपन्देहीका प्रमुख जिल्ला अधिकारी महादेव पन्थले जानकारी दिनुभयो ।

गाउँको चारैतीर प्रहरी परिचालन गरिएको छ। सिल गरिएको ठाउँमा खाद्यान्न तथा अत्यावश्यक सामग्रीको लागि स्थानीय प्रशासनले समन्वय गर्ने भएको छ । ती सङ्क्रमितका दाजुलाई शुक्रबार नै र परिवारका अन्य ६ जना सदस्यहरुलाई शनिबार क्वरेन्टीनमा पठाइएको छ ।

सङ्क्रमित युवक भारतको दिल्लीबाट ट्रक चढेर वैशाख ५ गते मर्चवारको ठोठरी नाकामा आएका थिए । उनलाई लिन दाजु साइकल लिएर गएका थिए । प्रदेशको स्वास्थ्य निर्देशनालयका निर्देशक डाक्टर बिनोद गिरीले परिवारका अन्य सदस्यको स्वाब संकलन गरी परीक्षणका लागि पठाइने र कन्ट्रयाक ट्रेसिङ गरिने जानकारी दिनुभयो ।

कोरोना सङ्क्रमित ती युवालाई बुटवल धागो कारखानामा रहेको कोरोना विशेष अस्पतालमा राखेर उपचार भइरहेको छ । उनको अवस्था सामान्य रहेको फोकल पर्सन डाक्टर सुर्दशन थापाले जानकारी दिनुभयो ।

कोटहीमाइमा रहेको क्वरेन्टीनमा लकडाउन भएपछि नेपाल भित्रिएका १० जना रहेका छन् । पछिल्लो समय ६ जना थपिएका छन । सुरक्षा व्यवस्था कसिलो बनाइएको प्रशासनले बताएपछि स-साना नाका हुँदै नेपाल भित्रिनेहरुको संख्यामा कमी आएको छैन।

मर्चवार क्षेत्रमा कोरोना सङ्क्रमित भेटिएपछि समग्र रुपन्देहीका बासिन्दा नै आतंकित भएका छन । भारतबाट लुकिछिपी तरकारी तथा अन्य कृषि उपज मर्चवार हुँदै बुटवल भैरहवासम्म आउने गर्दछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्