'लकडाउन'पछि दुई हजारभन्दा धेरै बाजुरा भित्रिए

वैशाख २०, २०७७ शनिबार १६:२७:५९ | निमेन्द्र शाही

बाजुरा - सरकारले लकडाउन घोषणा गरेपछि छिमेकी देश भारतका साथै अन्यत्रबाट बाजुरा आउनेको सङ्ख्या दुई हजार नाघेको छ ।

शनिबारमात्रै भारतको धार्चुलाबाट ८४ जना बाजुरा भित्रिएका छन् । धार्चुलाबाट हुम्लाका ३० जना, मुगुका २६ जना, सुर्खेतका चार जना र दैलेखका दुई जना बाजुरा भित्रिएका छन् । उनीहरुलाई मार्तडीको हाटबजार व्यवस्थापन समितिले खाने र बस्ने ठाउँको व्यवस्था मिलाइरहेको छ ।

समितिका अध्यक्ष चक्रबहादुर मल्ल भन्नुहुन्छ, ‘तत्कालका लागि जिल्लामा भित्रिरहेकाहरुलाई खाने-बस्ने व्यवस्था मिलाएका छौँ । तर, उनीहरुलाई घर पठाउन भने समस्या भएको छ ।’

कोभिड-१९ सङ्कट व्यवस्थापन केन्द्रले बाजुरा जिल्ला भित्रिनेको सङ्ख्या उल्लेख्य भएकाले सबैलाई कवेरेण्टीनकाे व्यवस्थापन गरेर राख्न र घर पठाउन नसकिने निर्णय गरेको छ । यसअघि भने बैठकले बाजुरा भित्रिएकालाई त्यही कवरेण्टीनमा राख्ने निर्णय गरेको थियो ।

स्वास्थ्य कार्यालय बाजुराका प्रमुख दयानाथ पन्थले अहिले बाजुरामा ३ सय ६५ जनालाई क्वरेण्टीनमा राखिएको जानकारी दिनुभयो ।

प्रमुख जिल्ला अधिकारी गङ्गाप्रसाद न्यौपानेले भने अन्यन्त्रबाट आउने र बाजुराबाट अन्यत्र जाने क्रम तत्काल नरोके चुनौती बढ्ने बताउँदै सरकारले बाजुरा आएका सबैको व्यवस्थापन गर्नुपर्ने बताउनुभएको छ ।

अन्तिम अपडेट: कात्तिक २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्