राहत वितरणमा विवाद: नौ राउन्ड हवाई फायर, डीएसपीसहित आठ जना घाइते

वैशाख २२, २०७७ सोमबार १९:४४:३९ | आशिष विश्वकर्मा

सिरहा - सिरहाको मिर्चैया नगरपालिका- ७ फुलबरियामा राहत वितरणको क्रममा झडप हुँदा प्रहरी डीएसपीसहित आठ जना घाइते भएका छन् ।

राहत पाउनेमा नाम समावेश नगरेको विरोधमा झडप हुँदा प्ररहीले हवाई फायर र अश्रुग्यास प्रहारको गरेको थियो । झडपमा घाइते भएका पाँच जना प्रहरी र तीन जना स्थानीयको स्थानीय स्वास्थ्यकेन्द्रमा उपचार भइरहेको छ ।

विरोध भैरहँदा वडा कार्यालयले राहत वितरण सुरुगरेपछि स्थानीयले ढुङ्गामुढा गरेका थिए । झडप नियन्त्रणभन्दा बाहिर गएपछि प्रहरीले स्थिति नियन्त्रणमा लिन ९ राउण्ड हवाई फायर र ३ राउण्ड अश्रुग्याँस प्रहार गरेको इलाका प्रहरी कार्यालय मिर्चैयाका प्रमुख डीएसपी सन्तु जैसवालले जानकारी दिनुभयो ।

स्थानीयको अनुसार राहात वितरणका विषयमा वडा कार्यलयमा विगत एक हप्तादेखि मतमतान्तर हुँदै आएको थियो । जनप्रतिनिधि र दलका प्रतिनिधिबीच मत नमिलेपछि आइतबार इलाका प्रहरीमा सबै दलका प्रतिनिधि र जनप्रतिनिधिबीच समझदारी भएको थियो ।

तर, प्रहरीले करकापमा पारेर दलहरुलाई सहमतिगर्न लगाएको दलका एक प्रतिनिधिले बताउनु भयो।

उहाँले भन्नुभयो, ‘वडाअध्यक्षले आफ्नो आफन्त र आसेपासेका मात्र नाम राख्नुभएको छ । पाउनुपर्ने गरिब, विपन्नको नामभने छुटाएकोमा हामीले विमति राख्दै आएका थियौँ।’

संघीय समाजवादीका प्रतिनिधि हनुमान शाहले वडाअध्यक्षका कारण झडप भएको बताउनुभयो । उहाँले वडाअध्यक्षले दलीय प्रतिनिधिलाई बेवास्ता गर्दै आफ्ना आफन्तलाई मात्र राहत वितरण गर्न थालेपछि जनता आक्रोशित भएको बताउनुभयो । उहाँले यो पटक २ सय ७५ जनाको नाममा राहत सामग्री खरिद भएको पनि जनाउनु भयो ।

वडाध्यक्ष रामकुमार यादवले भने नगरपालिकाबाट आएको पहिलो चरणमा २५ घर परिवारलाई राहत प्याकेज विभिन्न दलका प्रतिनिधि, समाजसेवी, वडाका सदस्यहरुको रोवहरमा राहत वितरण गरेको जानकारी दिनुभयो ।

प्रदेश सरकार र मिर्चैया नगरपालिकाद्वारा उपलब्ध गराएको दोस्रो चरणको राहत वितरण गर्ने क्रममा केही दलकै प्रतिनिधिहरुले स्थानीयलाई उचालेर राहत वितरणमा अवरोध गरेको आरोप लगाए ।

वडाध्यक्ष यादवले पटक–पटक आफूले अहिले छुट्न गएका गरिब विपन्न परिवारको लागि चाँडै अर्को व्यवस्था गर्ने प्रतिबद्धता जनाए पनि नेताको उक्साहटमा ढुङ्गामुढा भएको आरोप लगाउनुभयो ।

नेपाल प्रहरी, सशस्त्र प्रहरी र नेपाली सेनाले घटना साम्य बनाई राहत वितरणको वातावारण सामान्य बनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्