तीन दिनमा पाँच हजार पीसीआर नमुना परीक्षण गर्दै सरकार

वैशाख २७, २०७७ शनिबार १९:३:३० | सजना तिमल्सिना

काठमाण्डौ – सरकारले प्रदेश १ को उदयपुर, प्रदेश २ काे रौतहट, बारा र पर्सा तथा प्रदेश ५ काे सबैजसो जिल्लामा कोरोना परीक्षणलाई तीव्रता दिएको दाबी गरेको छ ।

कोरोनाको सङ्क्रमण धेरैमा देखिएपछि उदयपुर, रौतहट, बारा र पर्सा तथा प्रदेश ५ काे धेरै जिल्लामा कोरोना परीक्षणलाई तीव्रता दिएको स्वास्थ्य तथा जनसङ्ख्या मन्त्रालयका प्रवक्ता डाक्टर विकास देवकोटाले बताउनुभएको हो । उहाँका अनुसार इपिडिमियोलोजी तथा रोग नियन्त्रण महाशाखा र नेपाली सेनाका स्वास्थ्यकर्मीको टोलीले यी प्रदेशमा पाँच हजार तीन सय २० जनाको पीसीआर विधिबाट परीक्षण गर्न नमुना सङ्कलन गरिरहेको छ ।

अहिलेसम्म झण्डै चार सय जनाको नमुना सङ्कलन गरिएको र बाँकी झण्डै पाँच हजार जनाको नमुना सङ्कलन तीन दिनमा गरिसक्ने योजना रहेको मन्त्रालयका प्रवक्ता देवकाेटाकाे भनाइ छ । यस्तै अहिले देशका विभिन्न ठाउँमा गरी १४ हजार पाँच सय ९२ जना क्वरेण्टीनमा रहेकाे उहाँले जानकारी दिनुभयो ।

नेपालमा शनिबार बिहान थप सात जनामा कोरोना सङ्क्रमण पुष्टि भएसँगै सङ्क्रमितको सङ्ख्या एक सय नाै पुगेको छ । उनीहरुको विभिन्न अस्पतालमा उपचार भइरहेको छ। राष्ट्रिय जनस्वास्थ्य प्रयोगशाला टेकु र कोशी अस्पताल विराटनगरमा गरिएको परीक्षणमा उदयपुरको भुल्केका तीन, कपिलवस्तुको मायादेवी र शुद्धोधन नगरपालिकाका तीन र पर्साका एक जना गरी सात जनामा कोरोना सङ्क्रमण पुष्टि भएको स्वास्थ्य मन्त्रालयले जनाएको छ ।

उदयपुरकाे भुल्केका १८, ४५ र ६५ वर्षीया महिला, कपिलवस्तुका १८ वर्षीय दुई र १७ वर्षका एक जना युवक तथा पर्साको छपकैयाका ६२ वर्षीय पुरुष गरी सात जनामा कोरोना पुष्टि भएको हो ।

योसँगै नेपालमा सङ्क्रमितको सङ्ख्या एक सय नाै पुगेकाे हाे । ३१ जना भने उपचारपछि निको भएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सजना तिमल्सिना

सजना तिमल्सिना उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्