साउदीमा ६ सय ७४ जना नेपाली कोरोना सङ्क्रमित, एक जनाको ज्यान गयो

वैशाख ३०, २०७७ मंगलबार २१:१३:५ | उज्यालो सहकर्मी

काठमाण्डौ – साउदीमा ६ सय ७४ जना नेपालीलाई कोरोना सङ्क्रमण भएको छ । साउदीको स्वास्थ्य मन्त्रालय र विदेश मन्त्रालयले दिएको जानकारी अनुसार साउदीका विभिन्न ठाउँमा मंगलबारसम्ममा ६ सय ७४ जना नेपालीलाई कोरोना सङ्क्रमण पुष्टि भएको त्यहाँ रहेको नेपाली दूतावासले जनाएको छ ।

नेपाली श्रमिकको ठूलो उपस्थति रहेको साउदीको पूर्वी क्षेत्रमा ३ सय ३६ जना, पश्चिमक्षेत्र मक्का, मदिना, जेद्दा र जजान लगायतका ठाउँमा गरी १ सय ४८ जना, रियाद क्षेत्रमा १ सय ७५ जना, कसिम क्षेत्रमा ३ जना, हायल क्षेत्रमा ३ जना र अन्य स्थानमा ९ जना नेपालीलाई सङ्क्रमण भएको दूतावासले उल्लेख गरेको छ ।

सङ्क्रमितमध्ये ११ जना महिला र बाँकी पुरुष रहेका छन् । सङ्क्रमितमध्ये धेरै जना निको भएर काममा फर्केको साउदीले जनाएको छ । तर कति निको भए भनेर यकिन विवरण भने दिएको छैन ।

साउदीमा कोरोना सङ्क्रमणको जोखिम सुरु भएसँगै अहिलेसम्म ३१ जना नेपालीले ज्यान गुमाएको र जसमध्ये एकजना नेपालीको कोरोनाको कारण ज्यान गएको छ । तीनजना नेपालीको मृत्युको कारण प्रष्ट नभएकाले खुलाई पठाइदिन साउदी सरकारलाई अनुरोध गरिएको दूतावासले जनाएको छ ।

साउदीमा अहिलेसम्म ४२ हजार ९२५ मा कोरोना सङ्क्रमण भएको छ । जसमध्ये १५ हजार २५७ जना निको भएका छन् भने २६४ जना सङ्क्रमितको ज्यान गएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्