अति आवश्यक सामान ढुवानीबाहेकका गाडी र पैदल यात्रुलाई काठमाण्डौ जिल्ला प्रवेशमा रोक

 जेठ २, २०७७ शुक्रबार १८:२२:५० | उज्यालो सहकर्मी
unn.prixa.net

काठमाण्डौ - अति आवश्यक सामान ढुवानीबाहेकका गाडी र पैदल यात्रुलाई काठमाण्डौ जिल्ला प्रवेशमा रोक लगाइएको छ । काठमाण्डौ जिल्ला सुरक्षा समितिको शुक्रबार बसेको बैठकले अति आवश्यक सामान ढुवानीबाहेकका गाडी तथा पैदल यात्रुलाई जिल्ला प्रवेशमा रोक लगाउने निर्णय गरेको जिल्ला प्रशासन कार्यालयका प्रशासकीय अधिकृत मानबहादुर बुढाले जानकारी दिनुभयो । 

अब एम्बुलेन्स, शव वाहन, औषधि र स्वास्थ्य सामग्री, औद्योगिक कच्चा पदार्थ र तयारी सामान, पेट्रोलियम, खाद्यवस्तु, तरकारी, फलपूmल तथा निर्माण सामग्री बोकेका गाडीलाई पास बिना प्रवेश दिने र यीबाहेकलाई पासबिना प्रवेश नदिने निर्णय गरेको उहाँले जानकारी दिनुभयो । 

काठमाण्डौका मूल तथा भित्री सडक र गल्लीमा अनावश्यक भिड भए प्रचलित कानुनअनुसार कारबाही गर्ने सुरक्षा समितिले निर्णय गरेको छ । यस्तै बैठकले अहिलेसम्म दिइएको गाडीको पहेँलो रङको पास खारेज गरेको गर्ने र निलो रङको पास दिने निर्णय पनि गरेको छ ।
 

अन्तिम अपडेट: चैत ३, २०८०

तपाईको प्रतिक्रिया