छाँया पोलिक्लिनिकका १० स्वास्थ्यकर्मीको रिपोर्ट 'नेगेटिभ'

जेठ ८, २०७७ बिहीबार १७:५४:४२ | प्रेमनारायण आचार्य

अर्घाखाँची – सन्धिखर्क नगरपालिका १ मा रहेको छाँया पोलिक्लिनिकका १० जना स्वास्थ्यकर्मीको कोरोना रिपाेर्ट नेगेटिभ आएको छ ।

गुल्मी मदानेका कोरोना रोगीले उपचार गराएको खुलेपछि सिल गरिएको अर्घाखाँचीको छाँया पोलिक्लिनिकका १० जना स्वास्थ्यकर्मीकाे स्वाब जाँचकाे लागि पठाइएको थियो । १० जना स्वास्थ्यकर्मीकै रिर्पोट नेगेटिभ आएको जिल्ला अस्पतालका प्रमुख डाक्टर कपिल गौतमले बताउनुभयो ।

गुल्मीको मदाने गाउँपालिका पुर्कोट घर भएका उनी वैशाख ३१ गते ज्वरो आउने र रुघाखोकी लाग्ने भएपछि उपचारको लागि सन्धिखर्कको छाँया पोलिक्लिनिक गएका थिए । क्लिनिकमा उपचार सम्भव नभएपछि बुटवलको क्रिमसन अस्पतालमा गएर भर्ना भएको सहायक प्रमुख जिल्ला अधिकारी बिक्रम थापाले जानकारी दिनुभयो ।

जेठ ३१ गते साँझदेखि ५ गते सोमबारसम्म उपचारको लागि आएका सबै बिरामी तथा तिनका आफन्त कोरोना सरेको छ कि ? भनेर चिन्तित बनेका थिए । अहिले रिर्पोट नेगेटिभ आएको जानकारी भएपछि सबै जिल्लावासी खुसी छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्