दैलेखका थप ५ जनामा कोरोना पुष्टि

जेठ ११, २०७७ आइतबार २१:४०:२३ | अमर सुनार

दैलेख – कर्णाली प्रदेशमा पहिलो सङ्क्रमित फेला परेको दैलेख जिल्लामा आज थप पाँच जनामा कोरोना सङ्क्रमण पुष्टि भएको छ ।

कर्णाली प्रदेश प्रयोगशालामा कोरोना पोजेटिभ देखिएपछि नेपालगञ्ज पठाएर पाँचै जनाको पुनः परीक्षण गर्दा कोरोना पुष्टि भएको कर्णाली प्रदेश प्रयोगशालाकी निर्देशक डाक्टर रीता भण्डारीले जानकारी दिनुभयो ।

सदरमुकाम नारायण नगरपालिका ३ का १५ वर्षीय र नारायण नगरपालिका ६ का १६ वर्षीय किशोर, त्यसैगरी डुङ्गेश्वर गाउँपालिका १ का २९ वर्षीय एक पुरुषसँगै २७ वर्षीया उहाँकी श्रीमती र त्यही वडाका २७ वर्षीय पुरुषमा कोरोना पुष्टि भएको हो । उनीहरु सबै भारतबाट आएका हुन् ।

सङ्क्रमण पुष्टि भएका पाँचै जनालाई सदरमुकामको सरस्वती मावि तर्ताङ्गमा रहेको कोरोना आइसोलेशन वार्डमा राखिएको स्वास्थ्य सेवा कार्यालय दैलेखका कोभिड फोकल पर्सन थीरप्रसाद रेग्मीले जानकारी दिनुभयो ।

स्वास्थ्यकर्मीहरुको सल्लाहमा सङ्क्रमण देखिएका दम्पतिसँगै एक वर्षीय बालक पनि आइसोलेशनमा राखिएको डुङ्गेश्वर गाउपालिका १ का वडाध्यक्ष लोकबहादुर डाङ्गीले बताउनुभयो ।

आज पुष्टि भएका समेत दैलेखमा कोरोना सङ्क्रमितको संख्या ६ पुगेको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्