थप रोजगारी सृजना गर्न वाणिज्य र विकास बैंकमार्फत सहुलियत ऋण उपलब्ध गराउने

जेठ १५, २०७७ बिहीबार १७:४८:५४ | उज्यालो सहकर्मी

काठमाण्डौ – सरकारले थप रोजगारी सृजना गर्नका लागि प्रत्येक वाणिज्य बैंक र विकास बैंकका शाखाबाट सहुलियत ऋण दिने भएको छ ।

अर्थमन्त्री युवराज खतिवडाले आर्थिक वर्ष २०७७/७८ को बजेट प्रस्तुत गर्दै देशभरी रहेको वाणिज्य बैंकका प्रत्येक शाखाबाट कम्तिमा १० जनालाई र विकास बैंकका शाखाबाट कम्तिमा पाँच जनालाई सहुलियत ऋण उपलब्ध गराउने व्यवस्था गरिने बताउनुभएको हो । यससम्बन्धी थप व्यवस्था नेपाल राष्ट्र बैंकमार्फत हुनेछ ।

यस्तै साना किसान कर्जामार्फत थप ४० हजार रोजगारी सृजना गर्ने र युवा स्वारोजगार कार्यक्रम र स्वरोजगार कर्जामार्फत थप १२ हजार युवाले रोजगारी पाउने पनि अर्थमन्त्री खतिवडाले बताउनुभयो ।

साथै सरकारले अब बैदेशिक रोजगार प्रबर्द्र्धन कोषमा रहेको रकम श्रमिकको कल्याणकारी कामसँगै रोजगारी पुनःस्थापना गर्ने कामका समेत लगाइने भएको छ । यसअघि कोषको रकम श्रमिको कल्याणकारी कामका लागि खर्च हुँदै आएको थियो ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्