बाँके दुर्घटनामा ज्यान गुमाएका १२ जनाकै कोरोना परीक्षण हुने

 जेठ १९, २०७७ सोमबार १२:३३:१४ | उज्यालो सहकर्मी
unn.prixa.net

बाँके - बाँकेको ठोरी जँगलमा मिनिबस दुर्घटना हुँदा ज्यान गुमाएका १२ जनाकै कोरोना परीक्षण हुने भएको छ ।

भारतबाट आएकाले उनीहरुको कोरोना परीक्षणको लागि स्वाब संकलन गर्न थालिएको बाँकेका प्रमुख जिल्ला अधिकारी रामबहादुर कुरुम्वाङले जानकारी दिनुभयो । उहाँका अनुसार पहिले ज्यान गुमाएका १२ जनाकै कोरोना परीक्षणको लागि स्वाब संकलन गरेर पोष्टमार्टम गर्ने तयारी छ ।

उनीहरुको परीक्षण गरेपछि उपचार गराइरहेका २१ जनाको पनि कोरोना परीक्षण गरिनेछ । भारतबाट आएका नेपालीलाई लिएर नेपालगन्जबाट सल्यानका लागि छुटेको ना ५ ख ५९९५ को मिनिबस राती राप्तिसोनारी २ मा रोकिराखेको बा ४ ख ९०६४ नम्बरको ट्रकमा ठोक्किँदा ११ जनाको घटनास्थलमै र एक जनाको अस्पतलमा ज्यान गएको उहाँले जानकारी दिनुभयो ।

अहिले १२ जनाकै शव भेरी अस्पतालमा राखिएको छ भने कसैको पनि परिचय खुलेको छैन । घाइते २१ जनाको पनि भेरी अस्पताल नेपालगञ्जमा उपचार भइरहेको छ ।

अन्तिम अपडेट: असार १०, २०७७

1 Comments

  • Bharat

    June 1, 2020, 2:24 p.m.

    मरेको मान्छेको भन्दा क्वारेन्टाइनमा बस्ने मान्छेको टेस्ट गरे हुन्न ?

  •  0 Reply

तपाईको प्रतिक्रिया