सिल गरिएकाे चैनपुरको स्वास्थ्य केन्द्र सञ्चालनमा आयाे

असार ३, २०७७ बुधबार २०:२९:१६ | नवीन गुरुङ

सङ्खुवासभा – सङ्खुवासभाको चैनपुर नगरपालिका ६ मा रहेको प्राथमिक स्वास्थ्य केन्द्रमा बिरामीको ज्यान गएपछि सिल गरिएको स्वास्थ्य केन्द्र बिहीबार बिहानदेखि सञ्चालनमा आएको छ ।

गएको सोमबार स्वास्थ्य केन्द्रमा उपचाररत एक बिरामीको ज्यान गएपछि स्थानीय प्रशासनले स्वास्थ्य केन्द्र सिल गरेको थियो । स्वास्थ्य केन्द्रमा ज्यान गुमाएका झापाका ३५ वर्षीय पुरुषकाे स्वाब परीक्षणकाे लागि धरानको वीपी कोइराला स्वास्थ्य विज्ञान प्रतिष्ठानको प्रयोगशालामा पठाइएको थियो ।

स्वाबकाे पीसीआर रिपोर्ट नेगेटिभ आएपछि स्वास्थ्य केन्द्रमा बिहीबारदेखि सेवा सञ्चालन गरिएको चैनपुर ६ का अध्यक्ष तथा स्वास्थ्य केन्द्र अध्यक्ष नेत्रबहादुर डाँगीले बताउनुभयो । यो केन्द्रमा रहेका ती पुरुषमा ज्वरो, रुघाखोकी, स्वासप्रश्वास समस्याजस्ता कोभिड-१९ सँग मिल्दोजुल्दो लक्षण देखिएको थियो । त्यसैले रिपोर्ट नआएसम्म शव उठाउन दिइएको थिएन ।

पीसीआर रिपोर्ट नेगेटिभ आएपछि बुधबार बिहान शव परिवारको जिम्मा लगाइएको समेत वडाध्यक्ष डाँगीले जानकारी दिनुभयो । पीसीआर रिपोर्ट नेगेटिभ आएपछि स्थानीयमा त्रास कम भएकाे र स्वास्थ्य केन्द्रमा सेवा सञ्चालन गरिएको वडाध्यक्ष डाँगीको भनाइ छ ।

सङ्खुवासभामा अहिलेसम्म दुई जना मात्रै सङ्क्रमित भेटिएको छ । जिल्लाबाहिरबाट भित्रिनेहरुलाई नाकाहरुमा कडाइ गरिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्