कपनबाट पेस्ताेलसहित एक जना पक्राउ
चैत १६, २०८० शुक्रबार
महोत्तरी – लागुऔषध अफिमको कारोबारमा संलग्न तीन जनालाई महोत्तरी प्रहरीले पक्राउ गरेको छ । बर्दिवास नगरपालिका १ मा अफिम बिक्री गरिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय महोत्तरीले जनाएको छ ।
पक्राउ पर्नेमा धादिङ जिल्लाको बेनिघाट रोराङ गाउँपालिका १ का वीरबहादुर तमाङ, दुर्गाबहादुर तमाङ र सिरहा जिल्लाको सिरहा नगरपालिका ५ का धनपत यादव रहेका छन् ।
प्रहरीले उनीहरुको साथबाट ना ४० प ६१५७ नम्बरको मोटरसाइकलसहित एक केजी नौ सय ५० ग्राम अफिम नियन्त्रणमा लिएको जिल्ला प्रहरी कार्यालयका प्रहरी प्रवक्ता, प्रहरी नायब उपरीक्षक (डीएसपी) प्रकाश विष्टले जानकारी दिनुभएको छ ।
लागुऔषध नियन्त्रण ब्युरो वीरगञ्जबाट सुराकीको आधारमा खटिएको टोलीले उनीहरुलाई नियन्त्रणमा लिएको विष्टले बताउनुभयो । पक्राउ परेकाहरुलाई थप अनुसन्धानको लागि इलाका प्रहरी कार्यालय बर्दिबासमा राखिएको छ ।