चीनको हिबेई प्रान्तमा लकडाउन, झण्डै ४ लाख मानिस प्रभावित

असार १५, २०७७ सोमबार १२:५२:४९ | एजेन्सी

काठमाण्डौ – चीनको राजधानी बेइजिङको निकट हिबेई प्रान्तमा कोरोना सङ्क्रमण देखिएपछि कडा रुपमा लकडाउन गरिएको छ ।

लकडाउनको कारण झण्डै चार लाख मानिस प्रभावित भएका छन् । यो लकडाउन हिबेई प्रान्तको एनसिनमा लगाइएको हो, जुन राजधानी बेइजिङ नजिक पर्छ ।

गएको वर्षको अन्त्यतिर चीनबाट नै कोरोना सङ्क्रमणको सुरुवात भएको थियो तर त्यसपछि चीनमा सङ्क्रमणको दर कम हुँदै गइरहेको छ ।

तर सङ्क्रमणको दोस्रो लहरको आशङ्काको कारण कोरोनालाई लिएर सरकार सतर्क भएको छ भने चीनका स्वास्थ्य अधिकारीहरुले पनि यसलाई निकै गम्भीरतापूर्वक लिएका छन् ।

चिनियाँ अधिकारीहरुले एनसिनमा पूर्णरुपमा घेराबन्दी गरिने र सबै कुरा नियन्त्रणमा हुने आइतबार नै बताएका थिए । आवश्यक सेवासँग जोडिएका व्यक्तिलाई मात्र घरबाहिर जान अनुमति हुनेछ तर घरको अरु आवश्यक सामान लिनको लागि एक जना व्यक्तिमात्र घरबाहिर जान पाउनेछ ।

यदि कसैले नियमको उल्लङ्घन गरेमा ती व्यक्तिलाई प्रहरीले कारबाही गर्ने अधिकारीहरुले चेतावनी दिएका छन् । एनसिन राजधानी बेइजिङबाट एक सय ५० किलोमिटर दक्षिणमा पर्छ ।

अन्य धेरै देशको तुलनामा कोरोना सङ्क्रमणको दर चीनमा निकै कम छ । तर पछिल्लो समय राजधानी बेइजिङमा सङ्क्रमण देखिन थालेपछि चिनियाँ अधिकारी चिन्तित बनेका छन् ।

चीनमा अहिलेसम्म ८३ हजार पाँच सयभन्दा धेरैमा सङ्क्रमण पुष्टि भएको छ भने चार हजार ६ सय ३४ जनाको ज्यान गएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्