चीनद्वारा विवादास्पद हङकङ सुरक्षा कानुन पारित

असार १६, २०७७ मंगलबार १३:२०:१ | एजेन्सी

काठमाण्डौ – चीनले हङकङको सुरक्षा व्यवस्था परिवर्तन गर्ने उद्देश्यले ल्याइएको विवादास्पद कानुन पारित गरेको बीबीसीले जनाएको छ । यो कानुन लागू भएपछि हङकङमा चीनको प्रभाव बढ्ने र शहरको स्वतन्त्रता सीमित हुने आशङ्का गरिएको छ ।

चीनले गएको महिना यो कानुन लागू गर्ने घोषणा गरेको थियो, जुन कानुनमा चीनविरोधी गरिने गतिविधिलाई अपराध ठहर गर्ने प्रावधानहरु छन् ।

यो कानुन प्रयोजनमा आएपछि पृथकतावाद, आतङ्कवाद र विदेश शक्तिसँगको सहकार्यजस्ता गतिविधिलाई नियन्त्रणमा लिन सकिने चीनको दाबी छ ।

गएको वर्ष पनि सुपुर्दगीसम्बन्धी एउटा कानुन ल्याउने चीनको प्रयासको विरोधमा हङकङमा लामो समयसम्म प्रदर्शन भएको थियो । नयाँ कानुनले हङकङको अस्तित्वलाई सङ्कटमा पार्ने प्रजातन्त्र पक्षधरहरुले प्रदर्शन गरेका थिए ।

यो कानुन जुलाई १ मा लागू हुन सक्ने अनुमान गरिएको छ । बेलायतले चीनलाई हङकङ हस्तान्तरण गरेको २३ औँ वार्षिकोत्सवको अवसरमा यही बुधबारअघि नै लागू हुने बताइएको छ ।

लोकतन्त्र समर्थक प्रदर्शनकारीहरुले आइतबार कानुनको विरोधमा मौन र्याली निकालेका थिए । र्याली गैरकानुनी भएको भन्दै प्रहरीले ५३ जनालाई गिरफ्तार गरेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्